Guv, CM na Chakkouba wui chanpao hangchiphun dalei Imphal, Nov 4: Manipur Governor Dr Ashwani Kumar eina Chief Minister O Ibobi Singh akhama mayonkida khalei Ningol Chakkouba wui khamatha chanpao State hiwui ruichumnao bingli hanchipundalei. Dr Ashwani na hanga chia Meitei calender wui Hiyangei kachang li khamayon Ningol Chakkouba hina shimkhur, chinao ngara kala atheiasa bingli khamashit kala leikashi matasangngasaka. Yurjat khangatei bingnala Ningol Chakkouba nitrei hi khamayonli sharuk rakhuingarum phok kahai chi theilaga ninglumlaka da Ashwani na hanga. Chief Minister O Ibobi na la hithada hanga chia Ningol Chakkouba hiya Manipur wui hakmeikap kaji nitrei akhana kala hiya chinaongara, shimkhur kala avava wui leishikhangarok chi khamayon zimikshona. Ningol Chakkouba khamayon hina ithum yur jat makhaila leishi ngarokta okthuirumkhavai apong chi khuikhara ngasaranu, da Ibobina hanga.
Posted on: Tue, 05 Nov 2013 08:12:14 +0000