HANYA HITUNGAN MENIT...so i nama songgot ni rohangku (jala yakin au ndang holan au namanghilalahon i) nantoari arian i umbege barita naung monding sada ruas ama ni huria on, somalna disi mulak sian gareja pintor huganti do bajuku, alai anggo nantoari songon naso lao rohangku pintor mangantisa, sambil rehat rupani huhut ma binuka laptop niba...hubege ma hira na repot inang tetanggaku...manjou amang guru..."aha namasa inang?" ningku manjou sian ginjang...dibereng ma ndang huganti dpe paheanku..."beta...boasa ndang marganti baju dope? nga monding amang Siringoringo di RSU do nuaeng, on dope barita i". (RS on di lambung ni gareja on do). Ndang apala dipaima nasida be au alai hudapothon ma tu RSU...sai songon na songgot situtu roha di parmonding na i, ala binereng nasai laonna i sehat do jala aktif do di kegiatan huria (Mulai sian kegiatan P.AMA sahat tu Tim Perifikasi Keuangan Huria). Sahat ma di RS...nunga di ruang mayat be tutu amang i (hujou Uda ala boru Manullang nialapna). Jala nga sai tumatangis be inanguda i nidonganan ni inang dokter rap dohot amang dokter (suamina) dan kebetulan seminar di RS i dung simpul marminggu. Nasida ma napatoranghon parmonding ni Uda i. Jolo ditaruhon do boruna tu Singkola di salah satu SMA Negeri Pekanbaru ala adong kegiatanna, dung mulak sian ima namasa i dihilalama sesak jala lamgale pintor hatop do nian nibaen usaha, alai tutu sahalak ni inang Uda i do mamboan Uda nahinan tu RS martaxi, alai marujung ma ngoluna. Sanga do martangiang marhite hp niuluhon ni amang dokter (natong sintua di huria on) andorang so sahat tu RS, jala boi dope direspon almarhum hata ni amang i atikpe naung lam gale..."alai ima, hitungan menit do, nga lao be", ninna amang dokter i. Boi do nihilala songgot ni roha ni inang uda i diparlao ni uda i...tarjahaku nangkin status ni inang uda i "Just a dream". Ido ra tutu hira namarnipi do dihilala inang uda i namasa i. Leleng do hami di RS nantoari sahat tu nasidung di formalin dohot diganti pahean ni almarhum jala diboan muse bangke tu bagasna, torop do na ro tu RS ala kebetulan adong kegiatan ama antar sektor pukul 15.00 i di kompleks gereja gabe laos rimpama tu RS dohot angka ruas nang parhalado naumboto barita i. Naunlungun roha di parro ni boru na i do...marabur ilu marnidasa, dung hundul ibana hudapothonma jala huhaol huhut marabur ilungku...huhusiphon nanget "turut berduka cita ya dek, tabah dan kuat ya, semua kaget dan sedih, bukan kamu aja sayang", huhut huapus iluna i jala hulean tissu. Dung agak tenang ibana,manghata-hatai ma hami muse, molo pe sai maraburan iluna jala sai maos diapus maradu marrara parnianggoanna jala bongkak simalolongna tarjalo roha do i patuduhon lungun ni rohana. Boi do nihilala na hinilalana i, ai ndang hinata baru ditaruho dope singkola hape ndang sadia leleng nunga ro barita naung monding natorasna namanaruhon i. Ima ngolu on, ndang adong numbotosa andigan, sadihari, songon dia, didia inganan marujung. Sandok saguru di Ibana nampuna ngolu i do. Holan on tutu sai rade ma hita di ngolu on akeh...hehehe. Sai tumibu ma diapuli Tuhanta angka donganta namarsitaonon hinorhon ni parsirangan ala hamatean i. Mansai ngotngot, lungun, hansit do parsirangan alani hamatean, alai ima las ni rohanta halak Kristen ndang hamatean i ujung ni saluhut alai hangoluan saleleng-lelengna do..."Nasa jolma ingkon mate ingkon mago sibuk i, namangolu ingkon mate asa tung denggan muse, daging on do gabe bangke jala ingkon do malangke, asa sogot bangkit i tu hasangaponna i" (Buku Ende HKBP No 334:1). HORAS. DOHOT DO AU MARHABOT NI ROHA di namasa on.
Posted on: Mon, 23 Sep 2013 04:13:59 +0000
Trending Topics
Recently Viewed Topics
© 2015