HAW HAW CHUNGA ‘NAWR’ SIM A THA 10) August Ni 25, 2014:Pawikhawihna engemaw a lo thlen a, mipuiin haw hawa thil nawr an ching thin hi Police te thil chhui lai ti thuanawptu a ni fo thin avangin sim a tha a, sim tura inzirtirna pawh chak taka kalpui a pawimawh em em a, chutiang ti tur chuan tu nge Zawhte chu thi awrhtir ang le!. Tunlaiin thu engemaw hlekah mipui lamin so bulh an ching thin a, Thana hual tih te, kawngzawh leh Bandh thlenga hmalak a ni fo a, hei hian Police te hna pui ber dan leh thupek kenkawh leh thil tisualtu chhuichhuah kawngah harsatna a thlen thin a ni. Veng leh veng inepna boruak thleng thin te hian nunaute a ti thlabarin thil ti sualtu man leh chhui zuina lamah police te tan harsatna a thlen a, Police ten an hna dik tak tha taka an thawh theihna turin harsatna siam belhchhahtu nilova, Police te tanpuitu ni tura inzirtirna uar taka kalpui a ngai a ni. Aizawl veng pakhata Nula pakhat chu rawng takin Aizawl Zarkawtah thi a hmuh a ni a, a ruang Aizawl Civil Hospital atangin thalai ten an zawn a, kawng an zawhpui a, chu mi rahchhuah chu Aizawla hnam dang chengte tih thlabar leh sawisak a ni a, pawikhawitute chu hlate khua anlo thleng hman hial a, pawi khawihtu man chhuah kawngah Police tha a thum phah tih chu vantlang hriat a ni. He tih hunlai hnai takah Aizawl veng pakhat hlun takah chuan hnam dang mi pakhatin an veng hmeithai rawng tak a thatin, a tlanbo a, Police te tha tichak zawngin chu veng hruaitute chuan hma anla a, reiloteah thiltisualtu chu man a ni a, dam chhunga hrehawm tak a tang turin a chungthu pawh reiloteah rem a ni a, Central Jail lamah tantir a ni ta a ni. Tunlai hunah chuan veng leh veng, khua leh khua intibuai vak vak chin te hi a thing tawh em em a ni tih te hi khawtlang hruaitute hian man thiam ve tawh se, hmanlai hun a ni tawh lo a, hmunlai nun anga khawsak tumna te pawh hi kalsan ngam a hun tawh takzet tih hriat a pawimawh a ni. Hetiang buaina pumpelh tur hian sorkar, Kohhran leh tlawmngai pawl te pawh hian chak takin mipui zirtir kawngah hma la se a duhawm takzet a ni. -Dingdi Editorial August 25, 2014
Posted on: Mon, 25 Aug 2014 01:56:34 +0000
Trending Topics
Recently Viewed Topics
© 2015