HMANGAIH VANGA MI Â CHU! Chu room tukverkah chuan dak chhuak vauh vauhin tlai ni tla tur chu ka thlir a. Vawi tam tak herliam tawh mahse tun tum chu a dang a, ngaihtuahna kawm chungin khawharnain min luh khungin leh ka chhungrilah chuan kim lo leh tello awm tlata inhriatna ka nei a. Ni e....nangpawn i tawng tawh mahna. Vawikhat i tihsual tawh kha, i theihnghilh ta emaw i tih tawh kha ila theihnghilh lova, i thinlung kil khatah khan ala nung reng tiraw.? Ka duh reng vang nilovin ka pianga, ka thangliana, hringnuna bet tlat-Siamtun keimahnia a dah Hmangaihna chuan min ti khawharin, kim lo niin min in hriattir ta a nih hi maw! Hlimpui tura ka ngaih Hmangaihna chu ka tahna a ni a, din chhuahpui tlaka ka ngaihna pawh dai zovin tlakchhiannan ka hmang ta! En teh D....tunhma leh tuna ka dinhmun inthlauh zia i hmu tiraw.? Zahawmna hlohvin zahpuiawmah min din a, ka theihnate chhawr tlak lovin i siama, zilhtu atangin zilh ngaiah ka tla thla a, mite lawmna siamtu khan ka ti lungngai ta a, mite hlimna siamtu kha nuihzatbur a chan tak hi! Ka hmangaih che tia i hnena vawikhat chiah ka sawi khan ka damchhung a daih a, lengdang chu bel ve thin mahila nang ka hmangaih tawh miau che avangin ka bei nghet thei lova, rilru bulbal nei lo leh mi lê lo nih bak ka hlawh chhuak zo tawh lo a sin.! Kum a vei a, i chanchin chhe tak takin min deng a, mi sihnip leh buanchak lo chunga thlunglu tihai thin tiin i thangvela. Chhung leh khatte pawn min kalsan hi min lawmpui zawk hial mah se, ka thinlung chhungril ber-tuma la dai ngai loh rama rawn dai luttu i nih miau avangin keichuan, Ka hmangaih ngai rengin ka la hmangaih che asin! Vawiin hi kan inhmuh ni, nangnena hmangaihna par kan tlan dun ni champha a ni tih i hai bik lo ang tiraw.? Piang nawn leh ta la, kei aia hmangaihtu che i tawn tawh ka ring lova, keipawh hi piang nawn leh ta ila, i bulah tho ka lo kal leh anga, min ti na nawn tur leh min ti beidawng nawn tur tih hrereng chungin i hnenah ka lo kal leh tho anga, vawi tam tak tahna min thlen dawn tih hrereng mahila ka pan tho ang che.. D. . . . . .ka hmangaih reng ang che.
Posted on: Tue, 30 Dec 2014 12:14:41 +0000