HMANGAIHNA CHUAN THISEN A HEH (VANGVAT EQUALS TO LOVE) To, Ka hmangaih, Hmangaih, Riltam puar khawp hmu lo ang maiin, ka hmangaih che tiin biahthu chu ka hlan ngei che a lawm, mahse, nang chu sawi loh kei ngei pawh hian he hmangaihna hi ka khawpkham lova, ka hnaih poh che leh ka vir tawlh tawlh a, hmangaih teuh che hi ka duh a, mahse, heti bak hi ka thiam leh finin a tlin si lo. Mite chuan smartphone, diamond ring lam an in pek laiin, kei zawng, KUHVA I EI VE DUH EM? tih bak i hnenah thil thlawn pek ka pei thei si lo che, mahse, kuhva pakhat pawh man nei a ka lei tawk tawk a ni a, a hlut lohna leh a nep chhan tur ka hre hauh lo. Vangvat thisen zuk a puar ul ang mai hian ka hmangaihna ring hian puar el ul la ka duh a, thil tam tihsak thei lo che mahila, thilpek zawnga ropui ber Lalpa laka fanau rochan pahnih - khat tal erawh siamsak che ka inhuam reng. Chu diamond ring aiin a letin a mawi ka ring tlat a, mahse engtin nge han in hlan dan tur lai bawrah hian ka buai si a nih hi. Present box-a tuama, fun chi lah a ni mang bawk si lo! A eng a pawh chu ni se, he hmangaihna hian ramri a kham lova, phai ram ang maiin kawlkil thleng a cham pharh dulh a, chutiang khawpa zauah chuan i duh huna huan i siam ka remti che a, mahse pal erawh hung suh ang che, lawn liam a har dawn e mai, exer khum atanga lak chu fit a har em a ni. Duat, a tawp nan, nang ang renga hmangaih ka nei lo tih hi hai lul suh aw, achhan chu nang ang hi nangmah chiah i awm tlat si a. From, Hmangaihtu.
Posted on: Mon, 13 Oct 2014 16:44:09 +0000