HUMB JETËN NË NJË AKSIDENT FATAL DEPUTETI SOKOL OLLDASHI TIRANË, 20 Nëntor/ATSH/ Një aksident i rëndë automobilistik ka ndodhur sonte në aksin rrugor Tiranë- Elbasan, ku një automjet ka dalë nga rruga duke u përplasur tragjikisht. Me këtë mjet udhëtonte deputeti i Partisë Demokratike, Sokol Olldashi, dhe një person tjetër. Përplasja e automjetit tip Audi Q7 ka qenë fatale dhe sipas burimeve policore dhe sipas reporterëve në vendgjarje makina është përmbysur duke shkaktuar humbjen e jetës së deputetit të Partisë Demokratike, Sokol Olldashi. Në vendngjarje kanë mbërritur një numër i konsiderueshëm deputetësh të të dy krahëve politikë, kryetari i Parlamentit, Ilir Meta, si dhe ministri i Brendshëm, Sajmir Tahiri. Ende nuk dihet shkaqet e aksidentit, por paraprakisht mësohet se koha e keqe dhe terreni i rrëshqitshëm ka ndikuar në humbjen e kontrollit të automjetit. Aktualisht policia po nxjerr trupat e pajetë nga automjeti i aksidentuar./y.pa/
Posted on: Wed, 20 Nov 2013 23:19:51 +0000