Hajj par jaane wale Madeena munawwara me Roza e Rasool par pahunchkar khud ko khushnaseeb mehsoos kar rahe honge aur keh rahe honge : ************ Arshe ula se a’ala mere Nabi ka Roza, Hai har maqaan se baala mere Nabi ka Roza. Kaisa hai pyara pyara ye sabz gumbad, Kitna hai meetha meetha mere Nabi ka Roza. Aansoo chhalak pade aur betaab ho gaya dil, Jis waqt maine dikha mere Nabi ka Roza. Firdaus ki bulandi bhi chhu sake na is ko, Khulde bari se hai ooncha mere Nabi ka Roza Makke se is liye hi afzal hua Madeena, Hisse me is ke aaya mere Nabi ka Roza. Ka’abe ki azmaton ka munkir nahi hu lekin, Ka’abe ka bhi hai Ka’aba mere Nabi ka Roza. Hogi shafa’at us ki jis ne Madeene aa kar, Khwah ek nazar bhi dekha mere Nabi ka Roza. Badal ghire hue hain baarish baras rahi hai, Lagta hai kaisa suhaana mere Nabi ka Roza. Hijr-o-Firaaq me jo Ya Rab tadap rahe hain, Un ko dikha de Maula mere Nabi ka Roza. Us aankh par na kyun main ‘Attar’ ho jaaun qurbaan, Jis aankh ne hai dekha mere Nabi ka Roza. Jis waqt rooh tan se Attar ki juda ho, Ho saamne Khuda ya mere Nabi ka Roza. (sallallahu alaihi wa sallam)
Posted on: Tue, 05 Nov 2013 19:30:30 +0000
Trending Topics
Recently Viewed Topics
© 2015