Heart Story of the Day August 16, 2013 Dear Mama Lou, Maayong hapon kanimo, maayong pagpaminaw sa suking tigpaminaw sa Heart Stories, labi na sa mga taga Syudad sa Mandaue. Tawga lang ako sa pangalan nga Maris, 22 anyos kasamtangang nangita ug trabaho, bag-o lang ni graduate sa college. Hinaot nga inyo akong matagaan sa inyong mga tambag kay wala na ako kahibalo kung unsa ang akong buhaton sukad sa nahitabo kanako usa ka adlaw uban sa akong soud nga higala nga lalaki si Gerald. Mga bata pa kami soud na gyud kami kaayo, mura kami ug managsoun, silingan sad mi ug classmate gyud mi kanunay sa elementary hangtud nag high school . Ang among mga pamilya dili ra sad lagyo ug relasyon, ganing kinugos sa akong mama ang iyang usa ka manghud. Maypagka hinayon gyud ni siya sa mga bata pa mi, murag mahuyang. Na usab na lang dihang nag high school na kami. Apan bisan pa sa iyang kausaban, wala nawala ang akong pagtagad kaniya ug pagtan-aw. Diha na kami nagkalagyo nga nag college na kami. Didto man siya sa Mindanao nag tungha, iyang usa ka iyaan ang nagpatungha kaniya didto. Wala na dayon kami contact, wa paman sad miy mga cellphone kaniadto kay mahal man kini. Karong bag-o lang nahiuli na siya kay dinhi na mo trabaho, human na sad siya sa iyang pag tungha. Dako na kaayo ang kausaban, maayo na ang barug ug karon lang nako nabantayi, gwapo man diay ang akong best friend. Kung wala lang ko naghunahuna sa among kasoud, ma ibog gyud ko niya. Mao kadto, among gibalik ang among panaghigala, ang among mga bonding. Naay manglaag kami uban ang among mga ka batch sa high school. Lingaw kaayong maghisgut sa mga nangagi. Dihang usa ka adlaw nga na abtan kami sa uwan diha sa usa ka baybayon. Sayo kami ni abot sa sabot uban sa among mga batch mates. Tungod sa kalit nga ulan wala sad na abot dayon ang among mga higala. Nabasa na kami sa uwan sa among pag abot sa cottage. Iya akong gi trapohan sa iyang dala nga tualya. Kalit ang kahilom nga iya akong gi tutokan. Nadani usab ako sa iyang mga mata. Daw sa nag aso ang among kalawasan sa kainit, ni sukol sa kabugnaw sa huyohoy sa hangin ug sa salibo sa uwan. Nag aso gikan sa among lawas ang uwan nga ni basa kanamo. Nag dapat ang among mga ngabil, daw sa puno sa kauhaw ang among pag higop sa among pagbati. Nawala na kanako ang saktong pangrason, nganong nahitabo man kini nga wala man kami relasyon? Manag higala raman kami? Apan nagpadayon ang among pag sayaw sa musika sa gugma uban ang pag bundak sa uwan. Natugyan ko gayud ang akong kaugalingon. Wala na kamiy tingganay human sa tanan, ni tuang ang uwan, ni abot ang among mga higala, nagpadayon ang adlaw. Wala na ako ni tagad pa kaniya. Ni text siya nako nagpadayag sa iyang gugma apan wala akoy maitubag, naglibog pa ang akong hunahuna. Managhigala kami, sama sa managsoun, nganong iya akong gibuhatan sa ingon? Nganong wala ko man sad kapugngi ang akong kaugalingon? Iya ba kahang gi abusaran ang akong kahuyang? Tinoud ba kaha ang iyang gugma? Tambagi intawon ninyo. Daghang salamat, Maris
Posted on: Thu, 15 Aug 2013 14:52:32 +0000
Trending Topics
Recently Viewed Topics
© 2015