Hei hi ka lo hria a, "hmangaih a tawng ta a, hlim takin a hun a hmang mek a ni" an ti che a. I chanchin ngaihven ta reng chuan i thian hnaivai te kamchhuak chuan ka beng a thleng rang ngei mai. Duhtak, ka lawmpui che a, hlim taka i awm kha ka duh ber chu a ni. Mahse maw, duhtak, he ka thinlung, ka ngaihtuahnaa tel ve tura ka duh ngai reng reng loh lungngaihna leh tahna te chu ka sawm ni hauh lovin min rawn puibawm a. I liam mai tur chu ngaingam lovin ka mittuite chu an kohchhuak ta si a. Duhtak, mahni hmasial pawh min ti la, ka dem lo che. I hlimna nimah se midang tana i hlui mai tur hi ka ngaingam lo a ni. Ka nun ti kehchhiain nitinin natna mi siam thin mah la e,Ka tan ka hlimna i la ni miau si a. Mahni hlimna chauh duh min ti thei e. Ni e, keipawh ka inhaw takzet a ni. I hlimna tura ka thinlung na si hi. Mahse lawmpuina hlan mai loh che chu tihtheih ka nei si lo. Duhthlanna chu i ta ni miau hek le! Dam takin liam ta la. Hlim takin awm rawh aw. Keipawh he ka thinlung kehchhe tawh chhar khawm leh turin ka chakna zawng zawng ka sawm khawm leh pauh a ni ang chu. Duhtak a tawp nan ,hun te lo inher zelin, kum tam a lo la vei ang a. Kan nun pawh khuarei a la chang ta ve ang. Vawiina ka hriatrengte pawh ka theihnghilh then ve nual tawh mai thei. Chu tih hunah pawh chuan hei erawh ka hriatrengna ata a bo lul lovang. Hmana ka hmangaih thin kha nang i ni a, tunah pawh nang tho i ni a. Hun tam ral hnuah pawh ka hmangaih chu nang i ni tho dawn si a..
Posted on: Tue, 30 Jul 2013 10:29:32 +0000
Trending Topics
Recently Viewed Topics
© 2015