Hof im Schicksalsjahr 1553: Dienstag, denn 01. Augustii Denn 1. Tag des Monats Augusti ist der Oberst sambt seinen Reuttern, der ungeverlich bei 60 waren, unnd mit 200 Hackenschutzen frue zwischen 7 unnd 8 Uhren hinausgezogen, etlich Vieh in die Commiss hereingeschafft unnd indessen auch die Strassen hin unnd wieder beritten. Alß // er aber gen der Sachsgrun kommen, hat er die Feindt angetroffen, ihnen, welcher doch uber die zwey Geschwader gewest, einen Vorreuter abgefangen unnd mit herein in die Stadt gebracht. Alß aber die Feindt mit Gewalt unseren Reutern unnd Hackenschutzen nachgeeilt unnd hart auf sie gedrungen, das sie den Unseren einen Hackenschutzen erschossen unnd zween gefangen haben, unnd alß die Unseren gen Leimitz kommen, haben sie den Unseren zu einen Zeichen ein Schupffen im Dorff angesteckt. Derhalben etliche der Unseren ihnen entgegengeloffen, sie zu entsetzen. Die Feindt aber, alß sie auff den Berg bei dem Dörfflein kommen, haben sie sich wider umbgewendet. Unnd ist also diesen Tag zwischen 12 unnd 1 Uhr der Feindt zum ersten Mahl gesehen worden. An diesen Tag, dieweil der Feindt nun vor der Handt, hat man zu Abents umb 6 Uhr das Heilige Grab unnd Kornhaus sambt allen umbliegenden Heußlein, Scheun unnd Schupfen auch Stöß Holtzs, der sehr viel hinn unnd wider vor der Stadt stunden, angezunden unnd verbrennt.
Posted on: Thu, 01 Aug 2013 21:57:58 +0000
Trending Topics
Recently Viewed Topics
© 2015