Home About Advertise Agenda Contact Join us on Facebook Follow us on Twitter RSS RSS Johannes Ospina Span saca di KIA riba high alert y manda Hulanda Publication: Wednesday, 26 June 2013. Categoria: Judicial E ta un informante clave di polis y pa su propio seguridad: Caso di OSPINA3 Caso di OSPINA1 Caso di OSPINA2 ORANJESTAD(AAN): Johannes Ospina Span ta un sospechoso kende ta encarcela den Prison di KIA, como e posibel cerebro relaciona cu atraco RBC Bank na Palm Beach. El a bira mas famoso, ora el a huy net algun dia despues cu el a keda deteni pa e ultimo caso di RBC. Asina mes den un forma misterioso cu ningun autoridad kier confirma el a aparece back den man di polis. Mientrastanto e investigacion a sigui den e caso aki te cu e sospechosonan a presenta dilanti huez pero a manda e caso te aki algun luna. Diamars den forma sorpresa den oranan di atardi un cantidad di polis a bay den un alerta. Polisnan fuertemente arma y cu bulletproof vest tabata rondona henter e area pafor di cura di aeropuerto. No tabata laga ningun auto pasa facilmente of para cerca di e cura di aeropuerto. Speculacionnan a cuminsa mesora riba posibel avion secuestra of preso peligroso cu mester pasa via Aruba pa sigui su destino pa Merca etc. Tur e cosnan aki tabata mas bien rumornan falso. E realidad ta cu Johannes Ospina Span ta esun cu a worde manda Hulanda. E motibo ta cu Johannes Ospina Span ta un informante importante pa polisnan na Aruba den casonan hopi serio y grandi. Pa su propio seguridad a bay over na sake di Aruba. Parce cu e mes tabata kier esey tambe. Aunke e no ta naci na Aruba e tin paspoort Hulandes locual nifica tambe cu e por worde manda Hulanda y move cu tur trankilidad. Su mama ta un latino casa cu un Hulandes Europeo y asina a reconoce Johannes Ospina Span. No ta conoci si lo cambia su nomber awor cu e ta un informante di polis. Ademas drentando Hulanda e por sigui pa otro partinan di Europa cu tur trankilidad. Johannes Ospina Span su prome detencion na Aruba tabata riba un boto cu dos otro persona mas yegando for di Venezuela cu varios arma abordo. Despues na Venezuela tambe el a cay sera algun dia so cu un grupo sospecha di cierto movecion of contrabando. Na Aruba a bolbe tira man riba dje den e atraco di CMB na aeropuerto pero el a haya su libertad sin worde sentencia. Awor e ta worde considera e brain den e caso RBC. Den henter e proceso e polisnan arma riba caya cu bulletproof mes no tabata sa kico tabata pasando. Nan tabata rabia cu ta pone nan bay caya sin bisa nada kico realmente tin. Den oranan di atardi ora tur hende a aborda KLM a hala tur hende for di e area di e avion riba e rampa y asina autoridad a yega cu Johannes Ospina Span cu cara tapa y hibe den avion. Asina KLM a sali pa Bonaire unda eynan tambe tabata tin alto comisario y esnan di Koninklijke Marechaussee cu a aborda e avion mientras cu e tabata riba rampa. Despues cu e avion a baha na Bonaire a pidi tur polis rond di aeropuerto pa move back for di nan post. Na Aruba e alerta a worde cancela. Mientrastanto na Bonaire a warda e avion sali 8or pa asina por a keda cla cu e trabaonan cu tabata tin. E sospechoso aki awor tin un bida liber mientras cu aki e tabata worde considera como e cerebro den e caso di RBC. Ainda falta e caso mes pa bin dilanti y aki kizas e situacion por bay asina leu cu e otronan tambe por tira culpa riba dje.
Posted on: Wed, 20 Nov 2013 01:35:31 +0000
Trending Topics
Recently Viewed Topics
© 2015