Hopi hende ta puntra kada bes di nobo "Ki produkto bo ta usa? Ki produkto ami tinku usa?". Mi gusta yuda hende desifrá kiko ta bai bon ku nan kabei, pero kuido di kabei natural no ta kestion di kua produkto bo usa so. Mas bien e preguntanan klave ta "Kiko mi kabei mester? Kua produkto ta duna mi kabei loke ku e mester?" Unabes bo komprondé kiko e uso di kada diferente tipo di produkto por nifiká pa bo kabei, ta mas fasil pa bo haña algu ku ta bai bon ku bo. "Ki ora ta bon pa usa zeta, "moisturizer", "leave-in conditioner", "deep conditioner", shampoo, djèl, pudin, pomada i diferente tratamentunan? Kua ta pa duna mi kabei nutrishon i kua ta pa mi por peña mi kabei sierto modèl?" Pa awoki e artìkulonan aki lo por yuda tuma e promé paso den haña un kontesta pa e preguntanan ei. Bo tin mas pregunta paresido? Laga nos sa, paso ami gusta investigá i duna bo mas informashon. kabeiduru/kuido-basiko-10-kos-ku-bo-no-por-sin-dje/ kabeiduru/krea-bo-rutina-den-5-paso/ ~ CheariShea
Posted on: Sat, 20 Jul 2013 11:20:00 +0000
Trending Topics
Recently Viewed Topics
© 2015