Horkalan maizumenus tuku 12 membru PNTL ne’ebé halo hela patrulla ho karreta 2 para iha Bairro dos Grilos iha besik Moon Bar, obriga ho forsa joven balu ne’ebé tur halimar iha dalan ibun haruka tama ba uma laran, maibé la dehan razaun ruma. Joven sira ne’e tur hakmatek no la halo buat ruma ne’ebé hamosu problema ka instabilidade. Membru PNTL sira ne’e tebe no baku joven sira ne’e. Faktu ne’e la kontribui ba harii imajen di’ak PNTL nian. Ema barak tebes hakas an atu hadia PNTL nia imajen iha sosiedade nia laran, maibe elementu PNTL balu estraga PNTL ninia imajen. Talvés asaun ne’e nu’udar resposta ba Rezolusaun ne’ebé mak Governu hasai tihaona kona-ba Grupu Arte Marsiál. Komprende sala Rezolusaun Governu nian …. Elementu PNTL sira ne’e la komprende saida mak direitu fundamentál ne’ebé temi iha Konstituisaun laran. Ha’u lamenta ho PNTL ninia atuasaun horkalan. Baku, tebe no duni ema inosente ne’ebé tur halimar iha sira-nia bairru rasik. Ida ne’e dezaviu ba nasaun foun. Ha’u espera katak Komandante Longuinhos Monteiro le’e mensajen ne’e.
Posted on: Fri, 26 Jul 2013 08:22:26 +0000