Hun chu chelh ding zo lo mah ila, nang talin "kumtluang atan" tiin damlai hringnun lamtluang min zawhpui dawn la chuan, he anchhe dawng khawvel hi van ram tluk a nuamin ka hmang thei tho tur. Hringmi hei zozai zinga lung fing leh nun nem berin ka thlakthlelhna che hre lo leh ngainep ang hial a zing zin lamtluang min zawh san hi.... I liam rualin ka hlimna leh lawmnate an kiam nghal a. Nun hlim leh lawmna tinreng min pekte kha min vel traptu ang chang zo ta si. Aw... engah nge chun chawi loh rairah nau ang min chantir tura hnung min chhawn leh mai si le? Engah nge i tel lova nun khawhar hman dan min zirtir thiam hma si a kawlvalenchham lam pana thla i zar tak mai le? Hetiang leh tur tho si chu eng aiah nge khatiang taka ka tana i hlutzia min hmuhtir a min temtir le? Mahse maw, khatiang thilte ka pian tirh ata la hmu ngai lovin la tem ngai lo ni ila, heti tak maia ka tana i hlutna hi ka hrethiam awm si lo. Khawhar taka min kalsan avangin inhmuh leh thuai ka beisei phah ang a. Lunghnur taka min hnungchhawn avangin hlim taka i trang belh ka thlakhlelh phah dawn tih erawh ka hria. Kal la, hlim leh tluang takin i tum ram chu thleng nang che. Chutih hunah chuan sir vate hram leh chhawrthlapui nen lam khian nang ngaiin ar ang ka vai ruai tih a hriat thartir thrin che ang a. I khawhar leh lunglen aia nasain ka tuar mek tih min hriatpuitu atan i lo hmang dawn nia. Kal ta la, liam ta la, dam takin..... Chu chu tawn leh hun tihlu zualtu tura khuanu duan a ni a. Threnna khawvel a kan intawn chhan chu tawn loh ni a rei poh leh a hlu zual ting dawn si. Bon Voyage......
Posted on: Mon, 07 Oct 2013 17:33:04 +0000
Trending Topics
Recently Viewed Topics
© 2015