HİV infeksiyasının diaqnostikası HIV infeksiyasının diaqnostikasına 2 mərhələ daxildir: HİV-ə yoluxma faktının şəxsən təyin olunması və xəstəlik mərhələsinin müəyyən edilməsi. HİV-ə yoluxanların 90-95%-də HİV anticısımləri yoluxmadan sonra 3- ay ərzində, 5-9%-də 6 ay və 0,5-1%-də isə daha gec əmələ gəlir. Anticisimlərin ən tez aşkar olunduğu müddət infeksiyaya yoluxmadan 2 həftə sonradır. Anticısımlərin aşkar olunması, ümumiyyətlə, 99% HİV-ə yoluxmuş insanların üzə çıxmasına kömək edir. Yalnız məsələ ondadır ki, HİV anticısımləri yoluxmadan sonra ilk həftələr ərzində üzə çıxmır, xəstəliyin terminal mərhələsində isə onların sayı nəzərə çarpacaq dərəcədə azalır. HİV anticisimlərini əsasən immunoferment üsulları ilə aşkar edirlər. Diaqnostik test-sistemlər HIV infeksiyası markerlərinin aşkar olunması üçün xüsusi reaktiv komplektidir. Həssaslıq və spesifikliyə görə əhəmiyyətli dərəcədə fərqlənə bilmələrinə baxmayaraq çoxfazalı İFA üçün bir çox kommersiya test-sistemləri arasında əsaslı fərq yoxdur. Adətən elə hallar olur ki, müxtəlif test-sistemlərin istifadəsi zamanı eyni zərdab müxtəlif nəticə verir. Bununla əlaqədar müəyyən olunmuşdur ki, bir test-sistemdə aparılan tədqiqatın müsbət nəticəsini son müsbət nəticə hesab etmək olmaz. Anticısımlərin aşkar olunma nəticələrinin spesifikliyinin yoxlanması üçün bir sıra metodlar təklif olunmuş və istifadə edilmişdir. Bu metodlar arasında daha çox immun blotinqi reaksiyasından istifadə edirlər. İmmun blotinqi metodunun mahiyyəti ondan ibarətdir ki, immunoferment reaksiyasını antigen qarışığı ilə deyil, nitrosellüloz membranların səthi üzərindəki molekulyar kütləyə müvafiq olaraq yerləşdirilmiş fraksiyalar üzərində immunoforez metodu ilə öncədən yerləşdirilmiş HİV antigenləri ilə yeridilir. Nəticədə əsas HİV zülalları immunoferment reaksiyasının yeridilməsi zamanı əmələ gəlmiş ayır-ayrı zolaqlar şəklində səth üzərində yerləşdirilir. HİV anticisimlərinin aşkar olunması 2 mərhələdən ibarətdir. Birinci mərhələdə müxtəlif testlərin (adətən immunoferment testinin) istifadəsi ilə anticisimlərin HİV antigenlərinə ümumi spektrinin müəyyən olunması həyata keçirilir. İkinci mərhələdə immun blotinqi metodu ilə anticisimlər virusun ayrı-ayrı zülallarında müəyyən olunur. Diaqnostika məqsədilə həmçinin virusun, onun antigenlərinin və ya gen materialının (spesifik nukleotid ardıcıllıqlarının) aşkar olunma metodlarndan da ıstifadə olunur. HİV antigenləri içərisində, adətən, p24 HİV-1 zülalını aşkar etməyə çalışırdılar, lakin bu metod epidemioloji tədqiqatlarda geniş tətbiq olunmadı, belə ki, xəstəliyin yalnız ilkin mərhələsində və kliniki ifadə olunmuş immunçatışmazlığının inkişafı mərhələsində antigenin böyük bir hissəsi anticisimlərlə əlaqədar deyil. Bununla bağlı olaraq bu metod HİV-in ilkin mərhələlərində xəstəliyin aşkar olunması, bəzən isə xəstəliyin inkişafının qiymətləndirilməsi üçün maraq doğurur. HİV-ə yoluxmuş anadan doğulan körpədə bu antigenin aşkar olunması onda HİV infeksiyasının müəyyən olunması zamanı əsas amil ola bilər. HİV kulturasının ayrılması və identifikasiyası HİV-ə yoluxmanın düzgün əlaməti ola bilər, lakin bu metod o qədər də münasib deyil və çoxlu vaxt, icraçıların yüksək ixtisaslı olmasını və xüsusi avadanlıq tələb edir. Və sonuncu, adətən «polimeraz zəncir reaksiyası» adı altında birləşdirilən spesifik gen ardıcıllıqlarının replikasıyası (amplifikasiyası, çoxalması) metodu ilə HİV gen materialının aşkar olunma metodu. PZR-nin üstünlüyü ondan ibarətdir ki, o, anticismin hələ mövcud olmadığı dövrdə HİV infeksiyasını inkubasiya və ilkin kliniki mərhələlərdə aşkar etməyə qadirdir. PZR tipli reaksiyalardan həmçinin xəstəliyin gedişinin proqnozlaşdırılması və terapiyanın effektliliyinin qiymətləndirilməsi, bioloci mayelərdə HİV-in olmasının miqdar göstəricilərinin müəyyən olunması üçün də istifadə olunur.
Posted on: Fri, 04 Oct 2013 16:02:16 +0000
Trending Topics
Recently Viewed Topics
© 2015