I GRANATIER DE SARDEGNA (tresentcinquant’ann de stòria e de glòria) (1659/2009) Ricorr quest ann on grand anniversari quell di Granatier de Sardegna de la nòstra bandera, di alamari la stòria d’Italia de numm l’è pregna da quand semm nassuu, l’è tutt on eroismo da i guerr d’indipendenza al fascismo. Emm vist la lus nel sescentcinquantanoeuv grazie al Duca Carlo Emanuel II che l’ha pensaa de fà di soldaa noeuv coraggios e con coeur sincer e profond che bell, vedè passà i Granatier Guardi se ciamavom fin a l’altrer. Emm impienii tutti i liber de stòria cont i gèst eròich di nòster soldaa da el monte Cengio perenne glòria che in di secol se ricordarà de l’esercit sèmm i pussee glorios nissun l’è mai staa inscì valoros. Granatier! Per difend el soeul natio in prima linea quand gh’è de combatt per la nòstra terra, per el nòster Dio tucc unii, tucc insèma, tutti compatt con quèll spirit de còrp che l’è tant fòrt e battes fin a l’ultim, fina a la mòrt. Indossà quella divisa che onor te lassa denter on quaicòss nel coeur te se sentet pussee bell, miglior te veet in gir cont on fà de grandeur da quell dì l’è cambiaa el mè destin quand son rivaa a la caserma Gandin. Mì me senti orgoglios e fier de vèss a staa soldaa in di Granatier. A tutti i Granatier…… Renato Colombo
Posted on: Sat, 19 Oct 2013 08:37:55 +0000
Trending Topics
Recently Viewed Topics
© 2015