I LUNGNGAIIN I BEIDAWNG THIN EM? ************************************************** (Mi lungngaite leh beidawng thin te tan aw.I chhiar chuan hlawkna i chan ngei ka beisei.) He khawvela kan cham chhung hi chuan kan chungah lungngaih manganna ten thla an zar chang pawh a awm thin ang. Mahse, hei hi hre reng la, heng lungngaih mangannate hian kum khua in min chenchilh dawn lo a ni tih hre reng la. Thenkhatte chuan kan chungah lungngaih manganna leh vanduainate alo thlen changin kan hrethiam lo fo thin. Siamtu hial dem duh tawk kan awm thin. Pathian dem leh zel hi chu i ching lovang u khai. Amah avanga tun dinhmun ding thei kan ni tih hi i hrechiang phawt mai teh ang u. Mihring kan ni a, he khawvel famkim lohna hmuna cheng kan nih chuan engpawh kan chungah a thleng thei a ni tih hi hriat reng tur. Chutiang tur chuan lo inbuatsaih a, hmachhawn ngam thei tur khawp a kan rilru kan tuai hriamte pawh a ngai ve thin a ni. Kan Pathian hian kan tawrh zawh loh tur khawpa nasa leh hreawm kan chungah nghawngkawl min bah sak dawn lo a ni tih hi kan vawn tlat a ngai a ni. Beidawng mai lova kan hma lama eng awm, de vet vet hi kan thlir thiam a, kan hmuh thiam a pawimawh em em a ni. Chuti lo zawng dam khawchhuak leh tawh reng reng lo turin sual Setana hian a game ah min hruai lut palh hlauh a nge. Kan tihsual leh kan beisei loh thil vanduaina leh beidawnnate atanga tal chhuak theia, inhaikaw theite chungah a lawm vanneihnate, malsawmnate, hlimnate leh lawmnate chu a thlen thin ni. Midangte pawh in an tih theih chuan leh an paltlang theih chuan nangpawh in i thei ve a ni tih kha hre tawp mai rawh. Beidawng leh in dawmkun tura siam i ni love. I chungah khan i beisei loh thil tam tak a thlen chang a awm ang. Kha thil thleng khan i nunah thil ropui tak ila ti thei a ni tih a lantir duh avanga thlengah ngai hmak rawh. Lungngaihna, manganna leh beidawnna atanga i tal chhuah hunah meuh chuan engtinnge i tal chhuah a, engtinnge i paltlang theih tih pawh i hre chang tawh hauh lovang.Tlangah i lawn dawn chuan kawng bumbauh tak tak leh khuar tam tak i paltlang a ngai thin. Mahse, tlangchhip i thlen tawh chuan i khaw hmuh a nuam anga, i hah a dam huai tawh ang.. Tuna i dinhmunah khan vui mai lovin, lawm dan thiam la. I dinhmun ang thleng pha lo i thiante zingah ngei ngei pawh hian tam tak kan awm a ni tih hria la.Beidawng tur i ni love. Lehkhabu i chhiar a, i chhiar hnu kha i nunhlui leh i lungngaih , manganna leh beidawnnate ni ta se, hmalam pan a i dai ngaih loh thil i dai duh anih chuan tunah khan i lehkhabu chhiar kha khup mai lovin next chapter kha chhiar leh ang che. Chuti chuan i tawn ngai loh thil leh i hriat ngai loh thil thar tam tak i hriat phah anga, i tawn phah bawk dawn a ni. I lungngaia ila beidawng anih chuan i nunhluiah ila cheng anih chiah kha.Kalsan a hun tawh hle. I hma a ni eng mawi tak khan a liamsan palh hlauh che a nge.Tin, kan hma hun thui tak ngaihtuah avang pawh in kan lungngaiin kan beidawng thei tho bawk. Mahse, hma hun thui tak ngaihtuaha lungngai leh beidawng ho chu an ngaihtuahnate kha a taka a thlen hmain thil tam tak tih tur a awm a, kan siamtha tha leh thei a ni tih an ngaihtuah kan(skip) vang a ni e an tia lawm. I ngaihtuah thui lutuk chuan tuna i dinhmun leh i ngaihtuahna in karah khan vanneihna,malsawmna, hlimna leh lawmna kawng tam tak a awm ani tih kha i hmuh kan vek anga, i beidawng hluah hluah mai ang. Nunhlui leh hma hun thui tak ngaihtuah hian a lawm mihringte chu min tih lungngaiha, kan beidawn thin ni. Tun hun pawimawhna kan theihnghilh a, tun hun hian a siamtha leh thei a ni tih kan theihnghilh tlat thin.Hei hi hre reng la kan nunah hian nimin leh naktukah engmah a tih theih loh tih hre reng la. Vawiin hun i hman lai mek hi i nun siamthatu leh i hma hun sial nan a pawimawh ber a ni tih hre reng ang che. Kan Pathian hian i lungngaih, manganna leh beidawnnate kha chhan leh vang tha tak hmangin i chungah a thlen tir a ni tih hria la, chu a chhan leh avang chu i hai chhuah hma chuan bei tang tang ang che.
Posted on: Sat, 01 Nov 2014 15:24:50 +0000
Trending Topics
Recently Viewed Topics
© 2015