IAPAdamag July 21, 2013 55 a kilo ti botcha, nakumpiskar ditoy La Union; vendor, arestado BAUANG, LA UNION - Kinumpiskar dagiti otoridad iti aganay 55 a kilo ti botcha wenno double dead a karne ti nuang ken mapatta-patta nga agbalor ti P10,300.00 iti mismo a Bauang Commercial Complex. Kagiddan ti pannaka-kumpiskar iti botcha ket nakemmeg met iti suspek a nabigbig a ni Vangie Picaña, 40-anyos, residente ti Barangay Santiago Sur, Caba, La Union. Maibasar iti report, maysa daytoy a panaglabsing iti Article 65 iti section 2 ti municipal ordinance ti ili a Bauang wenno illegal a panagi-transport iti double dead a karne ti nuang. Kabayatanna, napalubosan met laeng ni Picaña kalpasan a nagbayad ti penalty nga umabot ti P2,500.00 bayat a dagiti nakumpiskar a botcha ket naiwaras iti Bureau of Jail Management and Penology (BJMP) idiay Central West, Bauang, La Union. -------------------------------------------- source: bomboradyo
Posted on: Sun, 21 Jul 2013 05:49:08 +0000
Trending Topics
Recently Viewed Topics
© 2015