IAPAdamag Nov. 19, 2013 Booking personnel iti bottlers Inc., hinoldap iti 2 a suspek; P8-K naitaray SANTOL, LA UNION - Agtultuloy ita a sapsapulen dagiti otoridad dagiti suspek a nangholdap iti maysa a booking personnel iti maysa a bottlers incorporated idiay Brgy. Corro-oy, idiay ili ti Santol, La Union. Nabigbig iti biktima a ni Carlo Oliva, 29-anyos, addaan ti asawa, residente iti Ginaburan, Balaoan, La Union. Maibasar iti report, daldalyasaten iti biktima iti kawatiwatan ti kalsada iti sakopen ti Brgy. Corro-oy, idiay ili a Santol, La Union a nakalugan iti motorsiklo idi kellaat a nagpatingnga iti kalsada iti maysa a lalaki a makaigapo tapno ag-slowdown daytoy iti panagmaneho. Naklaat laengen daytoy idi iggaman ti holdaper iti ima na a rason tapno saan a nakalibas kasaruno iti panagparang iti maysa a lalaki a maipagarop a kadwa tii suspek a nakaiggem iti paltog kasaruno iti panangitutuk kenkuana. Naitaray manipud iti biktima iti gatad a P8,000 ngem sakbay a naglibas dagiti dua a suspek ket kinabkabil da pay iti biktima. Dagos met a nagturong iti kuerpo ti Santol Police Station iti biktima tapno ipakaammo ti pasamak. Makunkuna a dagiti dua a suspek ket agtayag iti 5 5, naka-suot ti puraw a t-shirt, naka-kallugong ken nakasuot ti sun glasses. Ita ket am-amwen dagiti otoridad iti pakabigbigan dagiti suspek. -------------------------------------------------------------- source: bomboradyo
Posted on: Tue, 19 Nov 2013 10:37:27 +0000
Trending Topics
Recently Viewed Topics
© 2015