INDIA LEH MYANMAR RAMRI VENG TURIN BSF-IN SIPAI BATALLION 40 DAH DAWN (2/12/2013) India leh Myanmar ramri, km 1600 zeta thui veng turin Border Security Force (BSF) chuan sipai batallion 40 a dah dawn. Cabinet Committee on Security chuan kar hmasa Ningani khan India-Myanmar ramri vengtu Assam Rifles-te chu BSF-a thlak a lo remti tawh a ni. BSF Director General, Subhash Joshi chuan, India - Myanmar ramri veng tura mawhphurhna pek an nih thu sawiin, hemi atan hian sipai batallion 40 a dah phawt dawn a ni a ti a, ruahmanna chipchiar zawka an siam chu Ministry of Home Affairs-ah an thehluh thuai dawn niin a sawi bawk. Joshi chuan, an ruahmanna chu MHA-in Union Cabinet-ah an thlen leh phawt ang a, cabinet-in a pawmpui hnuah a takin a tihpuitlin theih dawn chauh a ni a ti a, ramri venhim nan MI 17 helicopter leibelh bakah BSF additional Director General hnuaiah sector headquarters 12 siam tura rawtna an siam thu a sawi. Hmarchhak biala India-Myanmar ramri hi Assam Rifles-in a sipai batallion 15 hmangin an veng mek a, hetihlai hian Assam Rifles-te chuan ramri venhim aiin hel pawlte do let hna an thawk tam zawk niin security lama mithiamte chuan an sawi a, hei vang hian dan phal loh sumdawnna leh pem lut an tam phah niin an tarlang. Hetihlai hian Anup Chetia Bangladesh-a thawn let a nih chungchanga chanchinbu mite zawhna chhangin, BSF DG chuanBangladesh sorkar zawh chi zawk a ni, a ti. A ram a chhiat avangin Bangladesh leh India ramri hi hung chhuah vek a ni lo a, ramri hung hna thawktute pawh a an hnathawh peihfel thuai tura hriattir an ni tawh bawk, tuna aṭanga kum hnih emaw kum thumah chuan ramri hung hna hi kan zawhfel hman rin a ni tiin BSF DG chuan India-Bangladesh ramri chungchang a sawi.
Posted on: Mon, 02 Dec 2013 04:10:48 +0000
Trending Topics
Recently Viewed Topics
© 2015