ING TUTUKING ISTORYA MILYARI MAIGIT NANG WALUNG BANWA SIGURU ING MILABAS Atin kung trigeminal neuralgia. Ing aus da keng sakit a ini king America suicide disease uling dakal la kanu kareng ating makanining sakit deng magpakapamate pablasang eda apibata ing sakit. Pablasang tutu dakung kaluguran deng kanakung kapatad, bayo at pangunakan minsan a aldo pisyalan daku bale kayabe de ing metung a albularyu. Eda man sinabi kanaku na albularyu ya. Ining metung kung bayo apansinan ke magdala yang ebun a makatray. Aisip ku: Nukarin do kaya ibat deng ebun ala namang maki poultry karela. Kabang sasadya da ing panugtuan mipapagkwentu kami deng kapatad kayabe ya ining bisitang kayabe da na eku kilala. Tahimik yang makiramdam kekami kabang mipapagkwentu kami. Angga king ing kwentuhan miras king kanakung sakit. Kanita ne mekibat ining bisita. Bisita: Kailangan minum kang pipaglagan bulbul tupa. Aku: Bulbul tupa? Bisita: Awa, ilaga mu ing bulbul tupa at inuman mu ing pipaglagan. Aku: Bakit naman pu? Kabuluk da reng tupa. Onung ing karni ning tupa pag eya ustu pangalutu ne kabuluk!!! Bisita: Banal ya kasi ing tupa. Kanita naku minisip na albularyu ya ining kayabe da reng kanakung kapatad. Aku: Ot asabi yu naman pu na banal la reng tupa? Bisita: Ila mu reng animal a mebanggit keng bibliya. At mapangadi la. Digsu na la megshower deng kakwentuhan ku keng danum a inuman ku. Akung minisip, Aro, Diyos ko.. . makananu la kayang mangadi deng tupa? Buri ku la yatang akit mangadi. Aku: tutu ing amanwan yu na mebanggit la keng bibliya deng tupa pero eku pa pu menakit tupang mangadi. (at megkwentu kung bagya tungkul keng Good Shepherd) Kabang magkwentu ku tinikdo ya ing bisita, bagya bagya yang meglakad papunta king gate, sinake ya king saken. Kaybat ding ebun linwal la keng bale at sinake la naman keng saken. Ing planu pala tawasan naku gamit la reng ebun. Oneng ene bisa ing bisita. Ikayu pu bisa kayung minum Lambs Hair Tea? Aku ali ku uling pag ininum ke ita daig ke pa ing megsuicide. So far as of now, by the grace of the Good Shepherd, I am OK. Every now and then I have attacks of excruciating pain on the left side of my face and my gums but thanks to God and my doctors, i am surviving. Suicide is and will never be an option. Neither the Lambs Hair Tea.
Posted on: Sat, 02 Nov 2013 10:58:29 +0000
Trending Topics
Recently Viewed Topics
© 2015