INTERVIEW OF COMMUNICATIONS SECRETARY SONNY COLOMA RADYO NG BAYAN/ PILIPINAS, PILIPINAS DECEMBER 01, 2013 (12: 24 PM – 12: 53 PM) SEC.COLOMA: Magandang hapon po sa inyong lahat. ALBERT: Hello, sir, good afternoon po. KA EFREN: Sir, opening message po natin at kung may appointments, nasa inyo po ang pagkakataon. SEC.COLOMA: Okay, Efren. Q: Opo, thank you po. SEC.COLOMA: Puwede na tayong mag-umpisa? Q: Sige po. SEC.COLOMA: Ang una ko pong pahayag ay hinggil sa pagtulong sa mga internally displaced persons. Patuloy na pinag-iigting ng pamahalaan ang pagtulong sa ating mga kababayan na lumikas sa kani-kanilang mga bayan at lalawigan sa Silangang VIsayas dulot ng bagyo, at pansamantalang nanunuluyan dito sa Maynila. Sa pangunguna ng DSWD, DOH, Philippine Air Force, TESDA, Philippine Information Agency at mga LGUs at ng iba pang ahensiya ng pamahalaan, katuwang ang mga pribadong kumpanya, mga non-government organizations at iba pang samahan ng mga volunteers, papalawigin pa ang tulong at serbisyo sa ilalim ng Oplan Hatid na ipinaabot sa mga naapektuhan nating mga kababayan na nabibilang sa hanay ng mga internally displaced persons. Inilunsad kamakailan ng DSWD ang proyektong Adopt A Family o Host A Family na naglalayong makapaghanap ng mga pamilya dito sa kalakhang Maynila na pansamantalang kakalinga at mangangalaga sa ating mga kababayan mula sa Silangang Visayas. Magtatalaga ang DSWD ng mga social workers na siyang susuri at sasala sa mga pamilya at indibidwal na kumupkop at maglaan ng espasyo o iba pang uri ng tulong sa ating mga kababayan na walang matitirhang kaanak dito sa Maynila. Ayon sa huling datos ng DSWD, tinatayang umaabot na sa 4,352 na pamilya o labingwalong libo, labing-anim na katao ang nakaluwas na sa Maynila mula Samar at Leyte lulan ng C130, o ibiniyahe ng mga bus ng LTFRB mula Nobyembre 16 hanggang 29. Sa naturang bilang, tatlong libo apatnapu’t dalawa na pamilya na kinabibilangan ng dalawanlibo siyamnaraan tatlumpu’t dalawang indibibwal ang natululungan na ng Oplan Hatid. Samantalang ang iba naman ay kasalukuyang nanunuluyan sa Tent City sa Pasay, sa iba’t ibang pampublikong pagamutan sa Maynila o kinukupkop ng mga NGOs o mga LGUs. Ang pangalawa pong pahayag ay hinggil sa World AIDS Day. As we join the celebration of World AIDS Day, we are pleased to report to our people that with the DOH taking the lead, the government continues to work with development partners and civil society in a determined effort to break the cycle of HIV transmission. Our efforts are focused on the youth that constitutes the most vulnerable sector. Despite formidable challenges, we remain committed to attaining our millennium development goal of getting to zero and having an AIDS-free generation. Ang pangatlo pong pahayag ay hinggil sa pagpaslang sa isang broadcaster. We condemned the killing in Valencia City, Bukidnon of Joas Dignos, a broadcaster of station of dxGT. The Philippine National Police is now conducting hot pursuit operation against the suspected assailants who reportedly (unclear) on Friday night while riding in tandem along the national highway. Police authorities are under instruction to exert utmost efforts in bringing the assailants to the bar of justice. We reiterate government commitment to solve the killings of journalists, broadcasters and media practitioners through the combined efforts of all concerned government agencies. The PNP is strengthening its investigative arm, while the DOJ is beefing up its battery of prosecutors assigned to build and file cases, as well as, closely monitor the trial of accused persons. We are determined to end the culture of impunity that has brought about these media killings, and we call on the citizens to support our efforts. Iyan po ang aking mga pahayag. Handa na po akong tumanggap at sumagot sa mga katanungan. Q: All right, sir. First question po galing kay Gen Kabiling. Ang sabi po niya: Is the Palace content with Biazon’s readiness to face the graft charges filed against him, or should he take a leave pending the resolution of the case? SEC. COLOMA: Welcome naman po iyong pahayag ni Commissioner Biazon hinggil sa kanyang kahandaan sa pagharap sa mga impormasyon na inihain laban sa kanya. Iyon pong higgil sa pagliliban o pag-take ng leave, sinagot na po natin kahapon na wala naman pong legal na compulsion ‘no. There is no legal compulsion for him to go on leave ayon sa batas, at nasa pagpapasya na po niya iyon. Q: All right, second question niya niya, sir. Muli, galing kay Gen, ang sabi niya: Does the Palace believe in the innocence of Biazon? Are we confident Biazon can still perform his duty despite being implicated in the PDAF scam? SEC.COLOMA: Kaya nga po magkakaroon ng pag-uusap ang ating Pangulo at si Commissioner Biazon. Wari ko po ay tatalakayin iyang bagay na iyan. Q: Iyon po pa rin tungkol kay Biazon, iyon naitanong kanina although nasagot ninyo na. Iyong tungkol kay—iyong balita na umano’y Secretary Purisima is trying to ease out Biazon at the Bureau of Customs? SEC.COLOMA: Wala pong katotohanan iyan. Q: Okay, iyong tungkol naman po dito sa update natin, ng Palasyo ukol sa ginagawang stress debriefing at iyong mga pag-address sa trauma ng ating mga survivors na trabaho naman ng DSWD. Ano po ba iyong update ng Palasyo ukol dito? SEC.COLOMA: Patuloy at puspusan po ang mga programa ng DSWD hinggil diyan. Tumutulong din po ang Department of Heath diyan sa aspeto iyan. Napakahalaga po kasi na magkaroon ng prosesong iyan. Maging ang mga bata na pinababalik sa paaralan, kasama din po doon sa pagbabalik nila iyong pagkakaroon ng stress debriefing. Q: Okay po. At may nagsa-suggest din po na iyong mga opisyales katulad ng mga pulis o kasundaluhan na nasaksihan iyong ground zero—iyong unang pag-ano po nitong super typhoon ay mai-pullout muna para sila ay ma-stress debriefing din para naman sa kanilang mabuting kalagayan dahil sobra na siguro silang napapagod doon. SEC.COLOMA: Mainam po iyong panukalang iyan, at bahagi po iyan ng standard at policies and procedures na ipinapatupad. Para po maging epektibo sila, kinakailangan naman ay bigyan ng pahinga at palitan ng mga fresh ¬¬¬reserves, ika nga ‘no, iyon pong mga bagong kawal, kasundaluhan o empleyado ng pamahalaan na maaari pong gampanan din po iyong kanilang mahalagang tungkulin. Q: Iyong tungkol naman dito sa ulat na ilang mga British nationals na hindi pa rin nakikita, at humihingi nga ng tulong itong Tacloban City officials para sila ay makuha na at worried nga itong British Embassy dito sa ating bansa. At tungkol din doon sa ulat na medyo itong mga bangkay na nakukuha diyan ay medyo napupuntahan po ng mga aso. Ano po ba iyong mababanggit natin dito? SEC.COLOMA: Hinggil doon sa una, makatitiyak po ang lahat na nakikipag-ugnayan po ang ating pamahalaan sa paghahanap kung mayroon man pong naiuulat na hindi matagpuang mga mamamayan ng ibang bansa, lalung-lalo na iyong mga tumutulong doon sa relief efforts. Iyon pong pag-account sa presence ng mga tao sa calamity areas ay isinagawa po simula pa ng day one. Importante po kasi iyong accounting ng lahat ng mga miyembro ng households, lahat po ng mga miyembro ng mga organisasyon para matunton po talaga iyong full extent ng casualties o number of injured o iyong mga dapat na ituring na missing. Iyon pong pangalawang tanong, paki-ulit lang po, tungkol yata sa cadaver? Q: Opo, iyong mga cadaver na napupuntahan ng mga domestics animals katulad ng mga aso at hindi magandang— SEC.COLOMA: Tulung-tulong po ang iba’t ibang ahensiya (unclear) DILG, sa pamamagitan ng Bureau of Fire Protection. Iyong DOJ mayroon din po diyan through the NBI doon sa identification process. Iyon pong Department of Health, tumutulong din po para po mailagay sa ayos iyong labi ng mga nasawi at mabigyan naman po ng angkop na paggalang sa mga nasawi. Kaya ginagawa po ang lahat para po matiyak ang pagtamo ng layunin na iyan. Q: Sir, sa bansang Thailand, sir, parang nag-e-escalate na iyong violence, may malawakang protesta doon. Are we monitoring po iyong ating mga Pilipinong manggagawa na naroon po sa Thailand ngayon? SEC. COLOMA: Siyempre po iyan ay tinututukan ng Philippine Embassy sa Thailand, at mayroon po silang sinusunod na guidelines kung mayroon pong iba’t ibang alert level. At alam po ng ating Department of Foreign Affairs’ employees, iyong mga empleyado po ng ating embahada ay may sapat na kaalaman at kakayahan para protektahan po ang ating mga mamamayan. So far naman po ay wala pa namang naiuulat na dahilan para tayo ay mabahala. Q: Okay, sir. Dito po sa ating napaulat na HIV, paano po natin paiigtingin ito? SEC. COLOMA: Marami pong mga programa hinggil diyan. Nag-uumpisa po sa awareness and education campaign; nandoon din po sa mga preventive measures, iyong palagiang paaalala doon sa mga konkretong hakbang na dapat na gawin iyong pag-iwas sa mga bagay na hindi dapat gawin. Patuloy po ‘no, ang pinakamahalagang aspeto diyan ay iyong education and awareness campaign. At katulad po ng sinabi natin, nakatutok po ito doon sa hanay ng kabataan lalo na doon sa 15 to 24 na pinaka-vulnerable po sa pagka-contract po ng virus. Pero lahat naman po nang nasa panganib, iyong pong mga nasa lugar na vulnerable din po diyan ay tinututukan at pinapaalalahanan ng mga dapat nilang precautionary and preventive measures na dapat gawin. Iyan po ang mga elemento sa ating pangkalahatang kampanya laban sa pagkalat ng AIDS virus o HIV virus. Q: Iyong pamamahagi po ng condom, sa palagay ba ng Palasyo nakakatulong po ba ito o mas nakakapagpalala? SEC. COLOMA: Mayroon naman pong ongoing programs ang ating pamahalaan hinggil diyan, at hindi naman po nalilimita diyan lang sa aspetong iyan. Inuulit po natin, ang pinakamahalagang aspeto ay iyong educational campaign at iyong awareness and consciousness rating para iyon pong mga nasa panganib ay hindi po gagawa nang hindi nararapat at gagawin po iyong dapat gawin para maiwasan po ang pagkakasakit nito. Q: Okay, sir, from Christian Esguerra ng Philippine Daily Inquirer. Does Biazon still enjoy the trust and confidence of the President? SEC. COLOMA: Naitanong na po iyan kahapon at ang sinabi ko po na wala namang indikasyon to the contrary. Ipinaliwanag ko po na simula pa noong State of the Nation Address na nagkaroon ng talakayan hinggil diyan sa bagay na iyan ay nailinaw naman po na hindi nagbabago ang pananaw ng ating Pangulo hinggil sa kakayahan ni Commissioner Biazon na pangunahan ang Bureau of Customs. At at ito rin po ay nananatili doon po sa gitna nang maraming pagbabago na ang naganap at iyong pagpapalit ng hanay ng mga deputy commissioners at iyong pagre-reshuffle ng kanyang mga regional directors sa buong daloy po ng mga pangyayari simula pa noong SONA – noong late July 2013 – hanggang sa pagrereorganisa ng Bureau of Customs ay napahiwatig naman ng Pangulo iyong kanyang pagkakaroon ng buong pagtitiwala at kumpiyansa sa kakayahan ni Commissioner Biazon. Ngayon po, bilang katugunan sa tanong kahapon, sinabi ko rin po na iyong pagiging kasama niya sa talaan ng mga naisama doon sa information that was filed by the Department of Justice with the Office of the Ombudsman, eh ito po ay panibagong konteksto na hindi po related doon sa nauna nating tinalakay dahil may bago pong element. At ang sinabi nga ng Pangulo, mag-uusap po sila ni Commissioner Biazon hinggil sa bagay na ito. Iyan po ang aking katugunan sa tanong na iyan. Q: Bale follow up po. Iyong bagong development po ngayon, makakaapekto doon sa kahihinatnan nitong si Commissioner Biazon? SEC. COLOMA: Sinasabi ko lang po na kailangang maunawaan natin ang konteksto, sapagkat ang pagganap ng isang presidential appointee ng kanyang tungkulin ay nakasalalay po ito sa pagkakaroon nang buong pagtitiwala ng Pangulo sa kanya. So, iyan po ang konteksto na ating pinag-uusapan. Q: Okay, all right. Sir, another question mula po kay Gen Kabiling ulit. Ang sabi niya: Is the President considering former Senator Lacson to lead rehabilitation efforts in Yolanda-hit areas? Hindi ba satisfied si President sa trabaho ng Cabinet members para kunin pa niya si Lacson? SEC. COLOMA: Paglilinaw lang po ‘no. Iyon pong pangangasiwa sa rehabilitation efforts ay isa pong malaking responsibilidad, at malaki po ang sakop nitong responsibilidad na ito. Tingnan din po natin iyong situwasyon na iyong Typhoon Yolanda ay ika-ilan na po iyon doon sa serye ng mga kalamidad na hanggang ngayon ay kinakaharap pa natin. Pagkatapos po ng Typhoon Pablo noong nakaraang 2012, nandiyan po iyong Zamboanga standoff; nandiyan din po iyong Bohol earthquake; iyon pong malaking pinsala din ng Typhoon Santi sa Central Luzon. At iyan nga pong Typhoon Yolanda ang pinakahuli, na sa lahat nung binanggit natin ay pinakamalawak at pinakamalalim ang naging epekto. Iyan po ang tinitingnan nating situwasyon na nagbibigay daan doon sa katanungan na paano ba ito mas maepektibong mapapangasiwaan. Nandiyan na rin po iyong reponsibilidad ng mga kalihim ng Gabinete na nangunguna sa kanilang mga kagawaran. Pero kakaiba rin po iyong situwasyon na marami po tayong kinakaharap na hamon ng pagbabagong-tatag, pagre-rehabilitate at muling pagsasaayos o reconstruction. Kaya iyan po siguro ang dapat na tingnan natin na situwasyon sa pagturing doon sa isyu na ano ba ang pinaka-epektibong kaayusan; ano pong istraktura; ano pong paraan ng pangangasiwa ang magiging pinaka-epektibo. Iyan po ang background doon sa usapin na iyan. Q: Ibig sabihin po, itong si dating Senador Lacson dahil tapos na iyong kanyang termino sa Senado, kinukonsidera po ba na i-tap siya dito sa relief habang iyong pinu-propose sa kanyang posisyon ay pinag-aaralan pa? SEC. COLOMA: Ang pinaliwanag ko po ay iyong mga konsiderasyon. Wala po tayong pinag-uusapan dito na partikular na indibidwal. Q: Yes, sir. Regarding this, sabi po ni Senator Escudero na kailangan daw imbestigahan pa daw iyong 74 other ano … iyong mga na-link po dito sa Malampaya fund. Ano po ang masasabi ng Malakanyang regarding this, aside from Janet Napoles na iba pong sangkot dito? SEC. COLOMA: Wala pong pagbabago sa pananaw ng Pangulo na ang dapat maging batayan sa mga prosesong isasagawa ay ang ebidensiya. Mula pa po noong nagsimula ang usaping ito, iyon na po ang iginigiit at idinidiin ng ating Pangulo na magiging batayan nang lahat ng pagkilos ng pamahalaan. Kaya po kung mayroon pong ebidensiya, kung mayroong impormasyon hinggil sa pagiging sangkot ng iba pang indibidwal o organisasyon, makattiyak po tayo na binibigyan po ito at pinagtutuunan po ito ng pansin ng ating Department of Justice at mga investigative arms po nito. Q: Dito po sa US troops na magpu-pullout na ng relief operations at iba pang bansa na gusto na po nilang mag-pullout, maaari po ba nating pakiusapan sila para sa ating mga kababayan diyan na nasalanta ng Super Typhoon Yolanda? SEC. COLOMA: Maaari po natin silang pakiusapan. Pero dapat din po nating isaalang-alang iyong kanilang partikular na katayuan, iyon din pong patakaran ng kanilang bansa hinggil sa pag-deploy ng mga puwersa o mga tauhan at mga kagamitan na katulad nang ginawa nila. Kailangan din naman pong igalang natin ang pagpapasya ng mga pamahalaan na nagpadala ng tulong. Pero siyempre po, ang ating pagnanasa ay hangga’t kailangan iyong kanilang pagtulong, at tinatanggap naman natin na kailangan pa, ay sana ay mapalawig pa nila iyong kanilang pananatili dito at iyong paggawad ng assistance sa atin. Pero nasa pagpapasya na po nila iyon, at hindi naman po natin mapipigilan kung kinakailangan na talaga nilang mag-pullout sa takdang panahon na kanilang inaakala ay makatutugon din sa kanilang mga pangangailangan. Q: All right, sir. Follow up question po mula ulit kay Gen Kabiling. Ang sabi po niya: Was Lacson’s name mentioned during Cabinet meeting regarding rehabilitation strategy? Do you think he will be a good asset to lead rehab plans in calamity-hit areas? SEC. COLOMA: Ang pinaka-focus po ng Cabinet meeting ay hindi naman sa mga partikular na indibidwal kung hindi mismo sa rehabilitation program po. Doon naman po sa kakayahan ni Senador Lacson, kilala na po siya sa kaniyang record ng paglilingkod. Naging Director General po siya ng Philippine National Police bago po siya naging senador, at iyong kaniya namang paglilingkod na senador ay for, I think, two terms at maganda naman po ang kaniyang record bilang legislator at public servant. Q: All right. On another topic, sir, may text question po tayo. Ang sabi: Will the government heed a proposal of the Organization of Islamic Conference or OIC Peace Committee on Southern Philippines to meet with Misuari at a tripartite meeting – MNLF, government and OIC – after the OIC 40th session of Council of Foreign Ministers next week in West Africa? SEC. COLOMA: Hihintayin po natin ang rekomendasyon o obserbasyon ng ating Office of the Presidential Adviser on the Peace Process hinggil sa bagay na iyan. SIla po ang may sakop sa pagtalakay sa isyu na iyan. Q: But is Misuari authorized to represent the Philippines in this meeting, sir? SEC. COLOMA: Hindi po tayo puwedeng magsalita para sa kaniya sapagkat hindi naman po natin batid kung ano iyong batayan niya sa paglahok doon. Ang maaari lang po nating tugunan ay iyong sakop ng pangangasiwa at patakaran ng ating pamahalaan. Kaya nga po ang sinabi ko, bilang katugunan kung ano po ang nagiging kaganapan doon at kung anuman iyong nagiging partisipasyon doon ni Ginoong Nur Misuari, hihintayin po natin iyong pag-analisa at pagbigay ng rekomendasyon ng ating Presidential Adviser on the Peace Process. Kailangan pong alamin muna natin ang lahat ng mga relevant information bago po tayo magbigay ng puna. Q: So, will the government allow him to go there (unclear) represent? SEC. COLOMA: Wala naman po sa kamay ng gobyerno iyan. Malinaw naman po yata iyong aking paliwanag. Q: Sir, regarding this, iyong Napocor nasa balag na po ng alanganin kasi kakasuhan daw nang mahigit na one hundred na pamilya sa Estancia sa Iloilo ang Napocor dahil sa nangyaring oil spill mula sa isang power barge na nasira matapos ang pananalasa ng Super Typhoon Yolanda. Ano po ang reaction ng Palace dito? At susuportahan po ba ninyo itong mga pamilya na nasalanta? SEC. COLOMA: Well, unang-una, kailangan po nating unawain na sinumang komunidad ang maging sangkot sa ganyang oil spill ‘no ay sigurado pong maaagrabyado ‘no at magkakaroon po ng panganib sa kanilang kabuhayan, at baka rin sa kanilang kalusugan at kaligtasan. Kaya lang po, kailangan din namang malaman ang buong kaganapan. We must verify kung ano po ang naging pangyayari. Hindi naman po mainam na basta-basta lang po tayo humuhusga na hindi pa kumpleto ang ating impormasyon. Sinasabi ko lang po, merong umiiral na batas hinggil sa mga oil spill at mga environmental disasters. Meron po tayong law enforcement agency sa bagay na iyan, at iyan po ang Philippine Coast Guard. Hihintayin po natin ang ulat ng Philippine Coast Guard. Sila po ang magbibigay ng rekomendasyon at magpapanukala rin nang konkretong aksyon. Ang batid ko po ay hindi po natin papabayaaan iyong kapakanan, kalusugan at kaligtasan ng ating mga mamamayan hinggil sa bagay na iyan. At kung sinuman po ang dapat managot ay papanagutin. Q: Sir, regarding po dito, si Senator Aquilino Pimentel na sinasabi niya na … iyong from Mindanao, believes that there is an urgent need for the Senate to conduct a separate investigation regarding the Zamboanga City standoff between the government forces and the MNLF rebels loyal to Nur Misuari. Ano po ang masasabi ng Palasyo regarding this? SEC. COLOMA: Nasa karapatan po ng senador at ng Senado na magpanukala at magsagawa nang ganyang imbestigasyon. At kung hihingi po sila ng impormasyon at paglahok ng pambansang pamahalaan ay makikiisa din naman po kami sa layunin nila. Q: At ang sabi po, ang main objective ng imbestigasyon daw is to prevent a similar attack from happening in the future. SEC. COLOMA: Eh ganyan naman po ang layunin ng mga Senate investigations, para po makapagbuo ng mga konkretong rekomendasyon at aksyon na magpapabuti sa ating kahandaan na harapin ang mga ganyang sitwasyon sa darating na panahon. Q: Okay po, wala na po yatang mga questions. So, iyong parting message po natin at iyong mga huling mensahe natin sa nakikinig na sambayanan, tsaka iyong Sunday group din ng Malacañang Press Corps. SEC. COLOMA: Nananawagan po tayo nang patuloy na pagkakaisa at pagsuporta sa sitwasyon na umiiral sa mga rehiyon ng kalamidad. Malaki po ang trabahong dapat gawin. Nagpapasalamat po tayo sa ating mga kababayan na nag-volunteer at nag-uukol ng kanilang panahon, nagbibigay ng tulong. Sana po ay magpatuloy itong diwa ng bayanihan na kapuri-puri at kapaki-pakinabang para sa ating bansa. Q: Maraming salamat, sir, sa inyong panahon na ibinigay para po sa bayan. SEC. COLOMA: Maraming salamat at magandang hapon po sa inyong lahat. ##
Posted on: Tue, 03 Dec 2013 08:47:36 +0000
Recently Viewed Topics
© 2015