INTHLAN ZAWH HUNA HRIAT TUR LEH ZAWM NGEI ATAN: (Buaina a chhuah loh nan a tihpuitlin ngei tur) 1. I rin loh deuh an tlin avangin i thiante/ thenrual bulah thinrimin au pung pung suh, emaw buaina chawk chhuak zawngin khawsa suh. 2. In pawl/ i tan lam deuh an lo tling a nih pawhin intitheiin OVER takin awm suh, beisei i neihna leh chhawr i inrin vang mai mai a ni, i tawngkam hria ten an nuih ru dawn che. Tin, a tling lo zawka an lo tan pawhin a tlingte sawi chhe kher suh, i tha tih kha tam zawkin tha an ti lo a ni mai. 3. Sorkar thar, Sorkar ngai, Coalition Sorkar an lo ding a nih pawhin thil tha tak leh Zoram kalsiam her danglam khawpa thil thar a awm beisei suh, kum 5 hnuah hei hi i PROVE chauh ang. 4. Mizoramah chuan POLITIK hi eizawnna emaw an tih hi kum 10 pawh ral mah se a reh chuang lovang tih hi pawm hmak rawh. 5. Kan zotlang ram nuam leh boruak thiang takah hian engmah product kan nei lova, natural resources lah awm lo, kawng tha lo, hydro electricity lam engmah kan ni lo, kawr kilh 1 pawh kan siam chhuak lova, chuvangin Sentral Sorkar Chawmhlawm kan nih avangin i incheina ti sang hle mah la, emaw i dream sang hle mah se, vai ngal rek hmelchhia i tihte pawhin engah vak an ngai lo che tih hre reng rawh. 6. Kohhrana i inhmang a nih pawhin NIHNA KHEL mai maiin Kohhran rawng i lo bawl ve palh ange, Ka hre ngai lova che tih i la hlawh mai ang. Mi der kan tam lutuk...chuvangin inthlan zawhte hi chuan inhrechhuaka sim vat a ngai tawh ang.
Posted on: Fri, 29 Nov 2013 06:16:14 +0000
Trending Topics
Recently Viewed Topics
© 2015