ISRAEL LEH HAMAS TE KI DODO LAI Netanyahu in katup kasawm na uh tungzawh mateng khawl lo ding cihi.Hamas te in 50 vei kap in 47 vei Israel te gam ahtu hi. Hamas te kap nahang in Israelte mili liam hi. Israel te in van lampan thuk kik pah in 27 vei kap Palestinians te mi 8 si hi. Hamas te do pen nidang sang nitumna gamte in tha ong piazaw hi ci in Netanyahu in gen hi.Zania kikap na ah Hamaste Sumkeppi Mohammed al-Ghout pen mawtaw tung ah aom laitak thautangin kha in sicihi. Ni kua sung kikap kik na uh hang in Palsetinianste mi 88 si n Israelte khat si cihi. New Jersey pan sangkaha om Yeshive sangnuapang Aaron Sofer kum 23 pen alawmte tawh Jerusalem gamlakah avak uh leh mangci hi.Irante in anuclear bawlna setzum kim ah Israel te thukan vanleng pen kakap khia uh hi ci in a gen hang kuamah in a thu gen uh a man ding in um nai lo uh hi. California ah zinlingna hang in mi 90 kim in liam in zato kipuak a, tua lak ah mi thum nasia deuh cihi. Hih zinling na hang in inn, lampi, gas, tui lakna te tampi takkisia in, inn tulsawmte in mei neilo uh cihi. Chille gam ah zong minute 30 tang ding zinling in ahih hang bangmah asi leh akisia a om genlo hi. IS te hang in Imari kuam ah mitampi tak in annek ding neilo, paikhia theilo in kha nih sung bang omcip uh a, UN lamte abuai mahmah laitak uhhi ci hi. ISIS min tawh numei sungten kibawl ahih man in IS te a tha pia uh hi ci indotna om hi ci hi. IS te in Syria gam a Tabqa kumpite galkapte vanleng sakhan lazo ta hi ci hi.Syria gam ah tualgal hangin kum3 sung mi 191,000 si khin hi.Lybia gam Tripolo khuapi a vanleng tuallpi zong Islamist Alliannce gam nuai mite in la zota cihi.IS te hang in Saudi Arabia kuapi ah lunghimawh tak in Arab gam te kikupna nei hici hi. Malaysiagam ah kawlte nih in eimi pawlpikem sia khat tukum kipat lam in kotaraya kim ah na suam (da miah taih)uha, Siapa zong nathukkik pah a, kawlte nih zong lau in tai pah hi ci in biak inn ah gen ci hi.Malayah kawlgam mite ki mat kihen atam zawpen ei maki dop loh hangci in , zukhamsa, kunza, zatep kawn khawng a vak hang ci hi. Malay ah mydin kim ah zingsangnai guk khawng in bus ih ngak leh ei guaktuam omlo in, mitam zawdeuh na pan ngak leng , tua hileh migi lo te in hong nek gamlo zaw deuh hici hi. Khat guak zin na ih neih ahi kei leh paina ih neih ciang aki sap ding nek leh dawn ding teng keng leng, tuahi leh ih thei ngeilohte huh na hi sam lo ding hici hi. (Azen zen in numei na hi leh)India gam a siamsin ei mi pawl khatzong bang mahki ngin khalo in vaite na piak nekha uhahih man in, khuaphawklo in om uh a, meileng tung pan a van te uh ki suhsak in buai thei mahmah uh hi ci hi.Migam milei ah zin a ih om leh amau kizep ki puah dan in om leng hoih hi ci hi.Ih sum bawm, pastport, matpongten te , ih pumpi tawh ki khen sak ngeilo ding ci hi.Migi lo te in hong vil gige hi ci in ki ging sa a om ding hoihhi ci hi. Khat guak zin ciang in hotel na tung leh zin san na ph.no te ken in la, na khan sung a ph. Kongkhak te ahoih mah hiam avang om hiam ci in nisim in en pha pha in.Lam khial gam mang a migilo te om ci in na thei a leh na om na ciamteh in la, mipi tam na ah tawm veisungsung pai in la, vanzuakte, numei ahih kei leh hotel, inkuan a aom te kiang ah dong in. Na kiang ah na thei ngeiloh khat hong tu a,sap loh pi in hong hopihpih leh mitam na ah pai san in.Malay ah om na hi leh taxi na kawm ciang muslim te lukhu kang khute( skull cap) te kawm le teh khial ngei lo ding hi teh ci in Malay mite gen hi. Tua ahih kei leh koi mun peuh ah ahi zong taxi na kawm a leh asap dong masa in la, hih thei leh u ham te kawm leng ki khial ngei lo deuh hi ci uh hi. Tua hi kei leh inn kiang a khselte, hotel a khawl te kawm leng zong hoih hi ci hi.Mosse in Khual zin ciang a, singkuang ading khiat peuh mah ciang,Topa aw, ding inla, na galte kitheh thangsak inla,nang hong mudah te na mai ah taii sak in, aci hi.A khael ciang in Topa Israel te tultampi te kiang ah hong ciah in, a cihi. Gamlakvakna 10:35,36. Ref.Jpost, bbc, Afp, the straight time paper.
Posted on: Mon, 25 Aug 2014 14:46:42 +0000
Trending Topics
Recently Viewed Topics
© 2015