Impeach PNoy inismol ng Palasyo Minaliit lamang ng Malacañang ang plano ng oposisyon sa Kamara na maghain ng impeachment complaint laban kay Pangulong Benigno Aquino III sa isyu ng pork barrel fund. Ayon kay Presidential Communications Development and Strategic Planning Office (PCDSPO) Secretary Ricky Carandang, walang legal at moral basis para sampahan ng impeachment complaint si Pangulong Aquino sa isyu ng pork barrel fund scam. Ani Carandang, wala namang Priority Development Assistance Fund (PDAF) ang Pangulo para idawit ito sa pork barrel fund scandal na kinasasangkutan ni Janet Lim-Napoles at ilang mambabatas. Sa tingin ng Palasyo, isa lang itong hakbang upang ilihis ng oposisyon ang isyu ng pork barrel fund scam. “I think it is an attempt at misdirection. The public has been given revelations about alleged corruption in the spending of PDAF. And I think there are certain parties who are trying to misdirect it, for one reason or another, towards the President,” patutsada ni Carandang. Pinagpiyestahanng kritiko si Pangulong Aquino matapos lumabas ang litrato na magkasama sila ni Napoles sa isang event sa Cebu City noong Nobyembre 2012. Napilitan tuloy ang Malacañang na ilabas ang mga litrato na kasama ni Pangulong Aquino si Napoles, asawa nitong si Jaime at anak nilang si Jeane. Abante Tonite News Admin Rapista
Posted on: Fri, 13 Sep 2013 07:24:10 +0000
Trending Topics
Recently Viewed Topics
© 2015