In collaborazione con "CROCIATO 63" le pagelle in dialetto della partita PARMA-CHIEVO Mirànt sèt : un pär äd parädi pù pr’i fotografi che ätor, però l’impresjòn d’issor sempr’in campana, e chi ben c’minsa l’è a metâ äd l’òvra Cassani sèz : un scolarèt al prìmm dì äd scôla, un po’ äd paura a blocär il gambi e al compitèn e gnenta äd pù Lucarèli sèt : una mèza dormida e basta a metä d’al prìmm temp, pr’al rest a Paloschi c’al podrìss ìssor tò fjòl a’t gh’è lasè il brìzi, a’s vädda che il vitòri a pingpong a Colècc i t’han bèle mis in forma Felipe sèt : gran bèla prìmma, al logiòn d’al Tardini a’l t’han promòs, e anca un sinistor interesant, con un lanc da cuaranta mètor bel precìs Gobbi sèz : al freno a man tirè, l’è bèle da Märs c’at consiljav d’andär a Misurina a far al pjèn d’osigeno, e inveci i t’han infin fat fär al ritir a Colècc, che a la metä äd luji d’osigeno a’g n’è gnanca l’ombra Biabiany cuator : se posibil ancòrra pù in confusjòn che l’an pasè, cuand’al g’ha da pasärla al sèrca äd driblär, cuand’al g’ha da andär via in velocitè al pàsa, insòma se propria a gh’è da fär c’la famòza plusvalenza che a Bibi e Bibò a’g casca la gòssa, fämla con chilù e amen Valdes sinc : anca Calimero l’ha cminsè c’me l’äva fnì, cioè mäl; lent c’me na lumäga, pochi idèi e confùzi, insòma propria gnènt’äd bòn, sperämma bèn äd fär miga la fèn äd còj ca speräva tròp Paról sèz : sa ne’s compra nisòn lì in mèza a col ragas chi a’g tocarà cantär e portär la cròza par trì anca st’an, e purtrop a i ne’s vedran miga tutti il so cualitè, che second mi j’en parèci Marchionni sinc : stes discors äd Calimero, lent poc precìz e sôra al cont anca narvòz; a’n g’ho gnenta con nisòn di du, ma second mi insèmol i’n pòlon miga zugär, trop alzèr trop lent, insòma a centärcamp cuand’ag n’è vòn ca pensa a’g né abasta Cassano sèt : certo che cuand’al g’ha la bala in t’i pè al scrìva d’il poesii tutt’il volti, tri bali da gol e trì assist da extraterrestre; geniäl e mi sincerament a’n l’ho gnanca vìsst acsì stuf da tirärol zò Amauri sèt : lotadòr sensa paura, a’s pòl stär sicur che lù la mìca a’s la guadagna tutt’il fèssti fin’in fonda, sperämma c’al posa sgnär al prìmma posibil parchè a’l g’ha na vo Sansòn sèt : l’ha dè pù l’idea äd podèr issor pericolòs lù in sinc minud che ch’j ätor in otantasinc ! par fortòn’na ch’j jan fat märcia indrè parchè dèr via col ragas chi l’è un lavòr asurd, al Sasôl po’ sarìss stè verament un lavor da mat ! chilù al vôl fat zugär e basta Donadón sèz : Mister, vagh in fiducia sionò al vòt al sarìss stè pù bas ; Sansòn titolär, cämbi da fär un po’ prìmma dato che la forma l’è còla cl’è, pòca voja äd vènsor in-t-la scuädra, ecco costi chi j’en il còzi ca j’ho vìsst mi… e Sansòn titolär a m’arcmand AVANTI CROCIATI
Posted on: Tue, 27 Aug 2013 12:06:34 +0000
Trending Topics
Recently Viewed Topics
© 2015