In group. tereuh te ah hian ka lo post ve lok... SakAWLH NUMBER CHU (The number of the Beast) Sakawlh number (the number of the beast) hi kan hriat lar dan ber leh hriatthiam kan tum dan ber chu English number a 666 inziak tura ngaihna hi a ni a. Amaherawh chu khawvelah English number hre lo leh English Bible hmang ve lo hnam tam tak an awm si a, sakawlh hian he English number kher hi khawvel mi zawng zawng chhinchhiah nan a hmang kher lo mai thei. Bible ah chuan hetiang hian warning min lo pe lawk diam tawh si a- “Hetah hian fin a tulzia a lang. Chhut thiam chuan sakawlh number chu chhut rawh se..” (Thup.13:18) tih kan hmuh bakah, “Tu man eng mahin tihder che u suh se..” (II Thes.2:3) tih kan hmu bawk. Hei vang hian kan hriat loh vang emaw, kan chhut thiam loh vang emaw a buma kan awm mai loh nan he number 666 tlukpui hrang hrangte hi kan hriatna leh kan chhutna tizau tur atan tun tum chu han sawi lang ve hrim hrim teh ang..tun lain hetiang lam sawi kan uar bawk a. English numerical 666 hian hebrew alphabet ah vav vav vav (www/vvv) a tluk thei a, factorization chuan 2 × 3(2)× 37 a tluk thei a, Roman numeral ah chuan DCLXVI (D=500, C=100, L=50, X=10, V=5, I=1) )a tluk leh a, Binary-ah chuan 1010011010(2) a ni leh a, Ternary-ah chuan 220200(3), Quaternary-ah 22122(4), Quinary-ah 1013(5), Senary-ah 3030(6), Octal-ah 1232(8), duodecimal-ah 476(12), Hexadecimal-ah 29A(16), Vigesimal- ah 1D6(20) te an ni nuai hlawm. 60 leh 360 hi Babylonian mathematics ah chuan number bulpui/bul thut-ah an hmang thin a, Circle-a degree awm zat 360 hi 10x36 a nih bakah, 666 hi number 1 atanga 36 te belhkhawm a lo ni leh chiah bawk (i.e. 1 + 2 + 3+ ... + 34 + 35 + 36 = 666) Prime number hmasa pasarihte square belh khawm hian 666 hi a chhuak thei leh chiah bawk: {2(2) + 3(2) + 5(2) + 7(2) + 11(2) + 13(2) + 17(2) = 666} Greek Bible I keu ve thung chuan Greek numeral ah χξϛ ( chi xi stigma or ϝ digamma) ) tih angin a lo awm ang a, Bible thenkhatah erawh a thu (word spell) angin a ziak thung ang. Chinese Bible emaw, Chinese numeral ah chuan 666 hi 六百六十六 tia ziah a ni thung a. Arabic numeral ah chuan ٦٦٦ anga ziah a ni veleh thung a ni. Hei vang hian literally a english numerical 666 kher hi kan beisei chuan inbumna chance a sang viau mai thei. Khawvelah English hnam tawng leh an numerical hre lo hnam eng emaw zat an awm si a. (Bible thenkhatah erawh number 666 aiah 616 anga ziah a ni ve thung bawk. Codex Ephraemi Rescriptus ah chuan Greek tawngin ἑξακόσιοι δέκα ἕξ, hexakosioi deka hex (six hundred and sixteen) tia ziah a ni a; Greek Bible pakhat Novum Testamentum Graece ah te, Latin version of Tyconius leh ancient Armenian version ah te pawh 616 anga ziah lan a lo ni ve tho bawk. 2005 vela khan Papyrus 115 an tih them/ bung hrang (fragment), Oxford Universitys Ashmolean Museum a an hmuh chhuah ah pawh Greek tawngin Sakawlh number chu 616 (χις) angina a ziak a, He papyrus keh them Thuthlung Thara Thupuan bung 13 ziah lanna an hmuh chhuah upa ber (kum 1700 vela upa) anga ngaih a ni. BIBLE A NUMBER 666 LANNA DANGTE 1.666 hi Solomon’n kumtina rangkachak talent a lak khawm zat kha a ni..(1 Lalte 10:14, 2 Chronicles 9:13). 2.Babulon sal tang chhuak, Jerusalem leh Judai rama kir lehte zinga Adonikam-a thlahte zat kha 666 an ni. (Ezra 2:13). 3.Daniela lehkhabu-a Babulon lal hmingthang tak, 6th Century BC vela lal hming, Mizo tawnga Nebukanedzzara tih kha Nebuchadnezzar tih a ni a, chu chu Jeremia lehkhabu-ah chuan Nebuchadrezzar or Nebuchadrezzur tiha ziah a ni. ( Jeremia 49:28–30). Heng hming ziahdan te hi hebrai hawrawpa a number tlukpui chhut chuan Nebuchadrezzar tih hian 663 a tluk a, Nebuchadrezzur tih hian 669 a lo tluk leh chiah bawk a, Heng number pahnihte inkar lai tak hi 666 a lo ni leh chiah bawk. Heta Jeremia ziak-a Babulon lal hming number thuruk hi Thupuan a mi nen hian inkungkaihna neia kan ngaih dawn chuan Nebuchadrezzar, Pathianin a mite tiduhdah tura a ruat tawh khan hun hnuhnunga Sakawlh lo lang tur hi a lo entir lawk (prefigure) a ni mai thei bawk. 4.Hetianga Hebrai hawrawpa a number tlukpui chhut ang chiah hian, Neron Ceaser (Nero-a) hming atang khan 666 hi a chhut chhuah leh theih bawk. Hei vang hian Thupuan zirtu thenkhatte chuan 666 hi Thupuan bu-in thup tak chunga Roman emperor Nero-a (55-68 AD) a sawina niin an pawm bawk. 5.Kabbalistic Judaism lamah ve thung chuan 666 thilsiam chungchang leh khawvel tihfamkimna niin an ngai ve thung a. Khawvel chu ni 6 chhunga siam niin, thil hawi zawng sawina bulpui 6 (Cardinal directions) heng- Chhim, hmar, chhak, thlang, chunglam leh hnuailam te hi a entir bawk an ti. 666 LANGSAR TAKA HMANNA DANGTE: 1.Magic square an tih mai a magic constants an tihte belhkhawm zat- 6x6 magic square emaw, hetianga square in tlar hlawm khatte/ tlar khat belhkhawmte hi 111 chiah an ni. Magic squares 6 te belhkhawm zat chu 111x6=666 a nih chu. 2.666 hi Roulette wheel (pawisa khelhna chi khat)a number te belhkhawm zat a ni (sum of 1 to 36) 3.666 hi 1980-a Pennsylvania Lottery scandal a lottery mantu number kha a ni. 4.666 hi Macintosh SevenDust computer virus, 1998 a hmuhchhuah hming hmasa/ hming diktak (original name) a ni. 5.666 hi Aryan Brotherhood tattoos ah an number hman lar ber a ni. 6.Aleister Crowley khan a hming atan the Great Beast 666 tih a inphuah a, a sakhua Thelema philosophy, a hnathawh leh amah hrim hrim kha 666 nen hian a inkungkaih vek bawk. 7.Carbon isotope lar ber, Carbon-12 an tih, khawvela nunna nei zawng zawnga siamna hmanraw bulpui hian 6 protons, 6 neutrons leh 6 electrons a nei bawk. 8.China ah chuan he number hi vanneihna thlentu number angah an ngai ve tlat, 666 hi ‘engkim a tha vek e (everything goes smoothly) tih entirnan an hmang thin. Number 666 emaw, 6-6-6 emaw hlauhna hi hexakosioihexekontahexaphobia tiin an sawi thin a ni. Source: en.wikipedia.org/wiki/666_ (number)
Posted on: Mon, 05 Jan 2015 05:47:46 +0000
Trending Topics
Recently Viewed Topics
© 2015