JAYALALITHAA LEIIN MI 16 AN THI TAH, MIDANG 2 DAMDAWIINAH LA UM MEK Sep 29, 2014: Bangalore special court-in AIDMK hotunu le Tamil Nadu chief minister, J Jayalalithaa, Rs. 66.65 crore disproportionate asset thubuoia Rs 100 crore inchawitir le kum 4 jail intang dinga tuta Inrinni-a thiemnaw inchangtir lei khan Tamil Nadu state pumpuiah mi 16 zet, mani inthat le lungphuchawl (cardiac arrest) an um tah a, midang 2, mani inraw hlum tum damdawiinah enkawl mek an ni bawk. Police hai hrildanin mi 3 an inawkhlum a, AIADMK supporter pakhat an raw hlum a, pakhat dang chu Bus tlan lai an rawthlum tir a, pakhat dang chun tur a dawn a ni. Hieng bakah hin midang 10 chu Jayalalithaa thiemnaw inchangtir thu puong ani khan a thawng nasa hlea, lungphuchawl (cardiac arrest) in an thi niin police officer pakhat chun a hril bawk. Tuhin midang pahni, pakhat Pawl 10 inchuklai, mani inrawhlum tum hai chu damdawiinah enkawl mek an ni a, AIADMK supporter pakhat Tirupur ami khawmin a kutpar hai a tan bawk. August thla khan Sri Lanka sorkar website-in Jayalalithaa nina, se tak, mawilo le inhnuoi taka a tarlang leia nu pakhat, ama le ama inthat tum kuomah chief minister hin a lungril sosang (emotion) chu inhne tirlo dingin an fui a, mani inthat chu mi dawizep hai thawdan a ni ti hrethiem dingin lekha a thawn a ni. Party thuoituhai chun hieng thilthlung (extreme reactions) hai hi Jayalalithaa inlar zie inlangtirtu (testimony) a ni an ti a, sienkhawm an party mi le sa hai chu iengkhawm thawlo dingin an ngen a ni. Social welfare board chairperson le AIADMK womens wing deputy secretary, CR Saraswathi chun hieng ang a an tuorpuina an inlangtir (reactions of grief) hin mipuihan Jayalalithaa le an inkungkaina anlangtir a ni a ti a, State mi po po hai hin Amma hi an nu ang in an en vawng a ni, a ti. Police hai hrildan chun Venkatesan (58) APN Pratap Nagar, Valasaravakkam, Chennai-a cheng chu ama le ama an rawhlum a, Kilpauk Medical College and Hospital (KMCH)-ah Sunday khan a thi a. A Jonasha (19) Trichh-a second- year BA student le Lakshmanan (40) Modakurichi, Erode bul ami hai chu Inrinni zan khan an inawkhlum bawk. Party supporter pakhat, tum anih hrietlo khaw Sivaganga-ah an awkhlum bawk niin an hril. Subramanian (70) Theni bul, Singampunari-a cheng chu Tûr a dawna an thi bawk. Inrinni bawk khan Tenkasi bul, Pavoorchathiram -a khawsa, party supporter, Nalayiram (48) chu bus tlanlai anrawt hlum tir bawk. Madurai-a Class 12 student, M Nagalakshmi (17) khawm ama le ama anraw a, a taksa 80% a kang a, damdawiinah enkawl mek a ni. AIADMK supporter Balakrishnan (52) chu zani zantieng dar 4pm vel khan anraw bawk a, Government Hospital, Cuddalore-ah a taksa 65% kangin enkawl mek a ni bawk.
Posted on: Mon, 29 Sep 2014 15:54:58 +0000
Trending Topics
Recently Viewed Topics
© 2015