Jinaagnya viruddh likha ho to trividhe trividhe michhami dukkadam CHAPTER 16- NAABHI POOJA RATNA TRAI GUN UJALI; SAKAL SUGUN VISHRAAM, NAABHI KAMALNI POOJNA; KARTA AVICHAL DHAAM! Prabhu Aap bhi nigod se nikle main bhi nigod se nikle... Maine har jeev se anant baar 18 prakaar ke rishte banaye, to Aap se bhi banaya hoga Aapke saath kai saare khel bhi khela hoga... Aapke saath dev gati ka sukh bhi bhoga hoga... Aapke saath narak ka dukh bhi jhela hoga... Aapke saath har wo rishta, wo kaam, kiya hoga Jo ek sansaari jeev dusre sansaari jeev ke saath karta hain... Par prabhu Aapne saansaar dukh ko PEHCHAAN LIYA par Maine is dukh ko SWEEKAAR(accept) LIYA... Aapne shaadi ki shiv(moksh) sundari se, aur main prem karta raha moh bandari(monkey) se... Aapne avyaabaad sukh paaya, Maine janm-janm dukh paaya... Aapne PURUSHAARTH(hard work) kiya aur Maine PRAMAAD(laziness) kiya... Prabhu pehle aapka mitra ban chuka hoon, lekin wo maitri(friendship) sansaar swarth ki thi...aur ab aapka mitra banna chahta hoon moksh main... Aur uske liye muje aapke paas aana hoga.. Aap jaisa banna hoga.. Aapne apni aatma ko sampurna aur shudh samyag -darshan, gnyaan aur chaaritra se ujval, prakaashmaan aur dedipyamaan bana diya... Aapne, nabhi main rahe hue aatma ke asht(8) ruchak-pradesh samaan apni sarva aatma ko karma mal(dirt) se mukt kar diya.... Har jeev ke 8 ruchak Pradesh apne shudh swaroop main rehte hain...inpe kabhi Koi karm ka daag nahi lagta... isliye kaha hain RATNA TRAI GUN UJALI, SAKAL SUGUN VISHRAAM ye naabhi ke 8 Pradesh ratna-trai(samyag-gnyaan,darshan, charitra) ki ultimate yani parakashta ki stage main hote hain, ratna trai ke gunon se ujval hote hain aur sarva gunon ke vishraam(resting) sthal hain...jab Koi karm hi nahi lagta to dur-gun ke hone ka sawaal hi nahi uthta hain... Kamal ke baare main hruday pooja main bhi Bataya tha ki kamal kichad main hote hue bhi nirmal(without dirt) hota hain, alipt hota hain, nirlep hota hain, usi prakaar nabhi ke ye 8pradesh hamesha kamal ki bhaanti(jaise) karmon se rahit hote hain... UPDESHAK NAV TATVA NA; TENE NAV ANG JINAND, PUJO BAHU VIDH RAAG SHU, KAHE SHUBH-VEER MUNIND! Aise karmon se mukt aatma ke shudh swaroop main raman karne wale, nij(apne) gun satta rangi(rang main doobe) prabhu ne nav-tatva ka updesh diya... Nav-natva jisme jagat ki har vastu sama jaati hain, purvon ke gnyaan ka saar(extract) hain... Shubh vijayji ke shishya Upadhyaay Shri VEER VIJAYJI kehte hain ki, prabhu ne nav tatva ka updesh diya, isiliye Aise nav tatva ke updeshak,keval gnyaan ke dhaarak, veetragi prabhu ka nav ang pooja vividh(veraity)prakaar se raag dharkar karo, Kyon ki ye prabhu muniyon main bhi shresht hain, muniyon main bhi indra samaan hain, munindra hain HEY GNYAAN JYOT DARSHAN POONJ CHAARITRA NIDHAAN AAPKE NABHI KAMAL KI POOJA SE MERI AATMA BHI AAPKE JAISI SMYAG-GNYAAN, DARSHAN AUR CHAARITRA GUN SE PRAJWALIT HO, UJVAL BANE, AUR AAP JAISE HI AVICHAL DHAAM(MOKSH) KA ADHIKAARI BANE IS DAAS KI AASHA POORIYE PRABHU
Posted on: Wed, 02 Apr 2014 15:44:47 +0000
Recently Viewed Topics
© 2015