July 20, 2013 – RU BALITA S BUNTAG NAKABSAN gayud sa kinabuhi ang driver sa de pasaherong multicab nga nalambigit sa aksidente sa kadalanan sa Barangay Casinglot, Tagoloan, Misamis Oriental. Gawas sa namatay, pabilin pang nagpaalim sa ospital ang laing lima ka mga nasamdan. Sumala sa report sa Northern Mindanao Medical Center, giila namatay’ng biktima nga si Elvis Amores, 36-anyos, minyo, taga lungsod sa Villanueva. Wala matod pa makaantus ang biktima gumikan sa grabeng samad nga naangkon sa nagkadaiyang parti sa lawas. Ang nasamdang mga biktima, giilang sila si Francisco Quiño, 63-anyos, minyo taga Ganghaan, Tagoloan; Jeraldine Pajotay; 17-anyos, taga Barangay Tablon ning; Delet Melanie 36-anyos; ug Rezzie Nazareno, 37-anyos pulos taga San Martin, Villanueva ug Norgie Bantoc 11-anyos, nga taga purok 3, Barangay Puerto ning dakbayan kinsa pulos nakaangkon sa mga bun-og ug samad sa ilang lawas. Sa imbestigasyon paingon sa Cagayan de Oro nga direksiyon ang Pajero, samtang paingon sa lungsod sa Villanueva ang direction sa multicab. Gikustodiya karon sa kapolisan ang driver sa pajero. -o0o-
Posted on: Fri, 19 Jul 2013 22:28:32 +0000
Trending Topics
Recently Viewed Topics
© 2015