KABANG 11 Setyembre 2013 Makaslag ne naman, ing aldong panayan, ibat king kabengian Ban itang pigkalam, a grasyang sikanan, keka ’yang gamitan Ing gabung pikwanan, keka yang bungkalan, pawas mu patuluan Karin layung kuwanan, sabla mung kailangan, ban bie mu tustusan. Iti ya’ing tuntunan, a dapat nang tukyan, ning balang lelangan Nung buri nang dasan, ing tikdang parasan, karin king katasan Ing bie ning katawan, magsilbing tuknangan, ning kaladuwang nuan Karin ne pakanan, ibat karing bungang, babie ring tanaman. Ing namang kaisipan, a tune lelangan, mamangan ya naman Diwang tatanggapan, ’lang pigugunaman, magdagdag king beluan Keting sepupunan, ning indung ibatan, manese’t magkalam Angga king panyatang, ning kapangakan, ning bayung lelangan. Mababang kayarian, pintig ning kaisipan, king yatung karinan Ilang lilinangan, ilang pasulungan, ban mitas lang miuman Uling ing kaisipan, ning mainang katawan, i-yang manalipan King bini nang tenam, ning kaladuwang nuan, kekata migparam. King kasalungsungan, mamangan tamu ngan, keang sepupunan Ning yatung tuknangan, ’yang indung papakan, kareting kaisipan Ding anggang sibukan, ila ring pamangan, ding murang kaisipan Ilang magparagul, king salang kailangan, papuntang Kayarian. Iting bie peparam, ‘yang kaparalanan, ning Dios a Lalalang Banong pasulungan, ding sablang anak nang, binang pakamalan Iting bie mung indam, kabang ’ting sikanan ’yang samantalanan Kabang e daratang, ing dulum ning benging, king sala manyamsam. Kabang e daratang, takdang kaorasan, saguli mung datang Kabang e daratang, dulu ning panajun, ning bie nang peparam Kabang e daratang, ing binie angganan, a pipagsanayan Kekatang siguruan, ing eya masayang, ing bie nang pigkalam. Cris A. Cris Gonzales Palino karing mapilan a katayang megamit: indung ibatan = Mother Earth where we presently live pintig ning kaisipan, king yatung karinan = ego bini nang tenam = the soul essence/ soul seed within us salang kailangan = Light
Posted on: Sat, 14 Sep 2013 15:14:08 +0000
Trending Topics
Recently Viewed Topics
© 2015