KAWPPUI ZAWN DAN FORMULA – DZK Nupui pasal la zawng mekte tan kawppui zawnna formula i han sawi mai mai teh ang. Mathaia 7:7 chhiar la, Isua’n kawppui zawnna formula min hrilh i hmu ang. Zawnglai tan zawm ngei ngei chi. Chu formula chu DZK a ni. Hetiangin - D = Dil rawh u: Pathian hian kan mamawh chu a hre reng. Mahse, a hnena kan dil kher a phut. Kan dil loh chuan, min pe mah se, Amah Pathian min pek a ni tih kan hre lo fo. Chuvangin, kawppui tur hi Pathian hnena dil tur a ni. Z = Zawng rawh u: Kawppui tur Pathian hnenah kan dil ang a, “Hemi hi Pathian min chhanna a ni thei mai em?” tiin kan ngaihven ang a, kan mit leh beng kan chhi ang a, a zawn pawh kan zawng tur a ni. Ngaihvena zawn ve ik loh chuan, Pathian min chhanna hi kan mikhual pelh ngawk ngawk thei a, thian tha satliah enin kan en liam mai mai thei tlat. Chuvangin, kan dil chhanna hi kan zawn ve a ngai. K = Kik rawh u: Kan dil ang a, a chhanna kan zawng ang a, Pathian min chhanna ngei nia kan hriat chu tupawh ni raw sek sek, huaisen takin kan hmachhawn ang a, an thinlung kawngkhar kan kik tur a ni. Kan tawngtai chhanna nia kan hriatin an thinlung kawngkhar min hawn duh lo a nih pawhin zaka kimkit reng tur a ni lo. “Pathian chhanna ka hai palh a ni maw” kan ti ang a, kan zawng chhunzawm leh mai tur a ni. Dila, zawna, kan kik karh karh bawk chuan hlawhtlin hun a awm lo thei lo. Pathian hnenah hna kan dil a, kan zawng a, hmuh ngei tumin kik theih apiang kan kik thin a nih hi. Kawppui zawn chungchangah pawh, kan dil ang a, kan zawng ang a, kan kik bawk ang. Pathian hian kan tana tha ber (the best) a hria a, min pek a duh bawk. Tawngpawng zawna kik kurh kurh nghal ringawt lovin, D, Z leh K hi i apply kim thap ang u aw.
Posted on: Sat, 09 Aug 2014 06:42:25 +0000
Trending Topics
Recently Viewed Topics
© 2015