KLOSE CHUAN RAM TAN INKHELH CHAWLHSAN A TUM TA Germany international striker leh World Cup-a goal khung hnem ber ni mek Miroslav Klose chuan ram tan inkhelh a chawlhsan thu a puang. Kum 36 mi Lazio striker Klose hian World Cup-ah goal 16 khungin hei hi record a ni a, 2014 World Cup-ah Germany a champion pui bawk. Klose chuan, World Cup-a champion kha suangtuahna ti puitlingtu a ni a, Germany tan ka khelh chhung khan hun nuam tak tak ka tawng a nuam ka ti hle. World Cup-a champion pui chungin German team ka thlah thei hi ka tan hun tha a ni. Mimal goal ang pawh ka khung nual a, striker ka ni a ka tih tur tak pawh a ni. Record siam tum ringawtin ka khel lo va kan team tan theihtawp ka chhuah thin. Ka khelhpuiteah ka innghat a an chungah pawh lawmthu ka sawi a ni. tiin a sawi. Klose hian Germany tan a game hmasa ber chu kum 2001 March thla khan Albania 2-1 a an hneh tumin a khel a, substitute atanga lutin goal khat a tauh goal nghe nghe. Germany tan game 137 khel hman a, goal 71 khungin World Cup-ah tum li (game ni lovin) a khel bawk a ni. MIROSLAV KLOSE HLAWHTLIN TAWHNATE:- * Werder Bremen: DFB-Ligapokal (2006) * Bayern Munich: Bundesliga (2007–08, 2009–10), DFB-Pokal (2008, 2010), FB-Ligapokal (2007), DFB-Supercup (2010). * Lazio: Coppa Italia (2012–13). * Germany: FIFA World Cup champion (2014), Kum 2002 World Cup-ah 2-na, kum 2006 leh 2010 World Cup-ah 3-na. CHAWIMAWINA A DAWN TAWHTE:- * German Footballer of the Year: 2006 * Bundesliga Top Goalscorer (25 goals): 2006 * FIFA World Cup Silver Shoe: 2002 * FIFA World Cup Golden Shoe: 2006 * Bundesliga Team of the Season 2005-06 * FIFA World Cup All-Star Team: 2002, 2006 * FIFA World Cup 2002 Man of the Match: Germany vs Saudi Arabia * FIFA World Cup 2002 Man of the Match: Germany vs Cameroon * FIFA World Cup 2006 Man of the Match: Germany vs Costa Rica * FIFA World Cup 2006 Man of the Match: Germany vs Sweden * All-time FIFA World Cup top scorer: 16 goals.
Posted on: Mon, 11 Aug 2014 13:25:09 +0000
Trending Topics
Recently Viewed Topics
© 2015