KOHHRAN HIAN A KUANGLO A NAWR KAN TI MAW???? Chanchintha kan buaipui hi a huang a zau: Kohhran rawngbawlna kan hriatthiam dan tlangpuiah chuan vanlam a thawn chho tu leh thlarau lam nun mamawh petu ah chauh kan ngai thin, mahsela kohhran hian khawtlang tluchhe tur leh boral tur chhanchhuah hna hi a tihmakmawh a ni. Khawvel history kan en chuan khawvela hnam chaklo zawkte a chak zawk ten an awp behna laka ta chhuah zalen tur a tha nasa taka thawh a bei thintute chu Kohhran hote an ni, Pathian chhandamna hian tisa leh thlarau chhandamna a huam avang hian vantlang thil leh thlarau lam thil hi a thenhrang hleih theih loh. Tin, kohhran hian mimal hlawkna a ngaihtuah ber ngai lova, mi nawlpuiin kan that phah angem tih hi a ngaihtuah ber thin. Kohhran hi Sorkar ah a in rawlh tur a ni em? Tunlai hian he zawhna hi kan hre tam khawp mai, heihi inhnial theih tak mai a ni a, Kristianna intan tirh atang khan inhnialna a lo ni daih tawh a, tun thleng hian inhnialna kal zel a ni. Roreltute hi Pathian ruat anni tih changchawiin an diklohna ah te Kohhran hoin an sawisel pawhin lo vuipui hnu hnu a awmtheih mahse engvanginnge Pathianin a ruat tih hi kan ngaihtuah tur a ni. Dikna a rorel a vantlang zingah remna muanna, dikna leh mipuite hamthatna thlen tur a ruat an ni. Chumi pel a an kal chuan kohhrante hi Pathian hian a thu puan chhuahnan a hmang thin, Pathian aw a ngai duhlo a hel lui tlat chu roreltu tha lo kan hmuh thin ang hi an ni ang. Industrialized country ah leh ram hnufualah chuan an role play a dang deuh a ni maithei e a context a zirin an dinhmun a dang a ni thei, mahse Kohhran te hian Pathian hnen atangin thunneihna an nei a ni tih hi kan hriat pawh a tha hle. Kohhran hian Sorkar a vau love, duhsakna leh hmangaihna nen a rawn zawk a ni. MLTP ACT: Zu khap burna dan chungchangah hian tanhmun fel tak a nei hi a tihtur diktak a ni. Kohhran abikin Mizoram Presbyterian Kohhran hian ngun takin he issue hi a zir chiang tawh a mithiambikten ngun taka an zir tawhhnu ah an hmuhchhuah chu kan society tan(mimal ni lovin kan vai atan) khap a that zawk na tur an hmu a Pathianthu zirtirna tangin an teh hnuah an dinna tur fel tak an siam a ni. Tupa ti ti thiam thusawi vanga buai an ni lova Pathian rawn chunga thluaknu lova kalpui a ni. Bible in zu a duh lova, zu zawrh a dem. Tlangkawmna: CHipchiarin kan sawi theilo, a tlangpui zawr zawr kan sawi a ni, a tawpna a tan kan sawi duh chu zu khap duhlo te hian research te neiin nakin thleng a kan thatna zawk tur anih dan te an zirchiang tawh reng em? Nge an suangtuahna leh mi sawi tlawr an awih hmiah hmiah zawk. MLTP Act dan tha tak pawh kengkawh theilo tute hian zurui an control theiin kan ring tak tak em? Black a zuar te an awm leh tho lo maw? An control seng a ngem? Sawitur a tam kan sawi seng lovang, zu hi kan phalrai a nih chuan rehabs din keuh te an hlawk mai thei, I dawt ngam leh dawt rawh.
Posted on: Wed, 05 Mar 2014 16:07:03 +0000