KOMUNIKADO DI POLIS: Tópiko: kaso di hinkamentu Djadumingu, 22 sèptèmber 2013, alrededor di 18.52’or, Sentral di Polis a haña informashon ku algu promé ku yega Kleine berg , un pikòp a pasa dal den un bus i sigui kore bai. Na altura di Kleine berg e shofùr di bus a blòkia e pikòp ku un ratu promé a dal den dje. A surgi un interkambio di palabra ku pushamentu entre e shofùr di e bus i personanan ku tabata den e pikòp. Diripiente un persona ku tabata den e baki di e pikòp a risibí un hinká ku kuchú. E hòmber víktima di 20 aña di edat a risibí hinká na su lomba ku tabata sangra bastante. Shofùr di e pikòp a kue e víktima hink’é den baki di e pikòp i kuminsá kore direkshon di poliklínika di SEHOS. Sentral di Polis a dirigí un ambulans na altura di rotònde Zegu kaminda e shofùr di e pikòp a topa ku e ambulans i personal di ambulans a tuma e víktima over. Den situashon di prekupashon ambulans a transportá e víktima pa poliklínika di SEHOS pa tratamentu médiko. Polis a konfiská e bus pa mas investigashon. Investigashon den e kaso ta kontinuá.
Posted on: Mon, 23 Sep 2013 05:09:45 +0000
Trending Topics
Recently Viewed Topics
© 2015