KONGA V1: PULE’I ‘O E KAUTAHA. KUPU 21: Ko e pule ma’olunga taha ki he ngaahi ngaue ‘a e Kautaha ‘oku tuku ia ki KONGA VII: FAKATAHA LAHI FAKATA’U MOE FAKATAHA LAHI MAKEHE. KUPU 22: Fakataha lahi fakata’u:- I. Kuopau ke fai ‘e he Kautaha ha Fakataha Lahi ‘e taha ‘I he ta’u takitaha, pea ‘e ui ia koe FAKATAHA LAHI FAKATA’U. II. Ko e Fakataha Lahi Fakata’u kuopau ke fai ia ‘I he konga kehekehe ‘e ua, ‘o pehe ni:- Konga ‘Uluaki: ‘E ui ‘a e Fakataha ko ‘eni ko e FAKATAHA LAHI FILILAKANGA FAKATA’U. Ko e kau memipa ‘e ngofua ke kau ki he Fakataha Lahi ni ko e: Faifekau Pule moe Kau Faifekau Fakavahenga kotoa pe ‘o tatau ai pe pe ‘oku ‘I ai hanau lakanga ‘I he Va’a ‘o e Kautaha ‘I honau Vahenga: Sea ‘o e Komiti Ako ‘a e Siasi pe ko hano Fakafofonga, Sea mo e kau-memipa kotoa ‘o e Komitipule,kau-memipa ‘e tokonima mei he Va’a takitaha, ‘a ia ‘e kau ai ‘a e Sea, Sekelitaki, Tauhipa’anga, Angi pea mo e ‘Ofisa Fale’I, Kau Faifekau mo e kau Fakafofonga mei he ngaahi Vahefonua kehe ‘i Tonga ni pea mo Muli ( Sio ki he Kupu 33:Kupu si’i(1) mo e (11); Sea ‘o e Kautaha PTA. Konga Hono ua:- ‘E ui ‘a e Fakataha ko ’eni ko e FAKATAHA LAHI FAKATA’U KAKATO. ‘Oku ngofua ke kau ki he Fakataha ko ‘eni ‘akinautolu kotoa na’e kau ki he Fakataha ‘I he konga ‘Uluaki ‘oku ha ‘I ‘olunga, pea mo e kau memipa kotoa pe ‘o e Kautaha ‘I he ngaahi Vahe Fonua ‘I Tonga ni pea mo ha ni’ihi kuo lava mei he ngaahi Va’a ‘I he ngaahi Vahefonua ‘I Muli. III. Ko e Fakataha Lahi Fakata’u ko e Fakataha mafai ma’olunga taha ia ‘o e Kautaha. IV. Kuopau ke fai ma’u pe ‘a e Fakataha Lahi Fakata’u ‘I he Vahefonua Tongatapu ‘a ia ‘oku ‘I ai ‘a e ‘Ulu’I ‘Ofisi ‘o e Kautaha. Ka ‘e lava peke fai ha Fakataha pe heni ki ha Vahefonua pe ‘I Tongani pe ‘I Muli ‘I hano tu’utu’u ni ‘e he Fakataha Lahi Fakata’u. V. Kuopau ke fai ‘a e Fakataha Lahi Fakata’u ‘I Fepueli ‘o e ta’u takitaha. Pe ‘I ha Mahina pe Feitu’u kehe ‘e tu’utu’uni ‘e he Fakataha Lahi Fakata’u. Ko e Feitu’u, ‘Aho moe Taimi ke fai ha Fakataha Lahi Fakata’u, kuopau ke fanongonongo ia, ‘e he Komiti pule, ‘I ha Tohi ki he Sea mo e Sekelitali ‘o e ngaahi Va’a ’o e Kautaha, ‘I ha taimi ‘e ‘ikai ke toe nounou ange ‘I he mahina ‘e taha mei he ‘aho ke fai ai ‘a e Fakataha Lahi. KUPU 23: Fakataha Lahi Makehe: 1) ‘Oku ‘I he mafai ‘o e Komiti Pule ke ui ke fai ha Fakataha Lahi kehe ‘I ha taimi pe lolotonga ‘a e ta’u, ‘I he hili ha’anau ma’u ha Tohi kole pe Tohitangi kuo fakamo’oni hingoa ki ai ha toko nimangofulu pe lahi hake ‘o e kau memipa ‘o e Kautaha. ‘E ui ha Fakataha pehe ni ko e, FAKATAHA LAHI MAKEHE ‘a e Kautaha. 2) a) Ko ha Tohikole pe Tohitangi ke fai ha Fakataha Lahi Makehe, kuopau ke fakaha lelei ai mo mahino ‘a e kaveinga ‘o e Tohi ko ia, pea kef aka ha ai mo e ‘uhinga pe ngaahi ‘uhinga mahu’inga ‘oku fiema’u ai ke fakakaukau’I mo alea’I ‘e he Kautaha ‘a e me’a ko ia. e) Ko e kau memipa ke fakamo’oni hingoa ki ha Tohikole pe Tohitangi pehe ni, kuopau ko e kau memipa kuo ‘osi totongi ‘enau Tukuhau Fakata’u ki he ta’u ko ia 3) Kapau he ‘ikai ke lava ‘e he Komiti Pule ‘o fai ha tali fakafiemalie ki he kaveinga ‘o ha Tohikole pe Tohitangi, kuopau ken au fai ha tu’utu’u ni mo fanongonongo ‘a e Feitu’u, ‘Aho mo e Taimi ke fai ai ha Fakataha Lahi pehe ni, pea ke fai ia kimu’a ‘I ha taimi ‘e ‘ikai ke toe fuoloa ange ‘I he ‘e tolungofulu mei he ‘aho na’e ma’u ai ‘a e Tohikole pe Tohitangi. KUPU 24: Ngaahi Fokotu’u ke alea’I ‘I he Fakataha Lahi Fakata’u Kakato: 1. Ko ha Fokotu’u ke ‘omai ki he Fakataha Lahi pehe ni ke alea’I ai, kuopau ke:- a) Fekau’aki ia mo ha taha ‘o e ngaahi kaveinga pe taumu’a ngaue ;a e Kautaha. e) Fai mai ia mei ha memipa ‘o e Kautaha. f) ‘Osi tali ‘a e fokotu’u ko ia ‘I ha fakataha ‘a e kau memipa ‘o e Va’a ‘o e Kautaha. h) ‘Omai ‘a e Fokotu’u ko ia ‘e he Sekelitali ‘o e Va’a, ki he Sekelitali Lahi ‘I ha taimi ‘e ‘ikai ke toe si’isi’I ange ‘I he ‘aho ‘e fangofulu mei he ‘aho ke fai ai ‘a e Fakataha Lahi Fakata’u. 2. Ko ha Fokotu’u ke tamate’I, liliu p eke tanaki atu ki ha Kupu ‘o e Konisitūtone, kuopau ke:- a) Fai ia ‘o hangē ko ia ‘oku ha ‘I he kupu si’I (i); Konga(e),(f)mo e (h) ‘oku ha atu ‘I ‘olunga. e) Kuopau ke fakaha ki he Sekelitali Lahi ‘I ha tohi ‘a e Kupu Fo’ou ke fetongi’aki ha kupu kuo fokotu’u mai ke tamate’i. 3. Kapau ‘e ‘iai ha Fokotu’u kehe ‘e fai ‘o ‘ikai hangē ko ia ‘oku ha Kupu si’I (i) pe (ii) ‘o e Kupu ni,kuopau ke tukuatu atu ia ke toki ‘omai ‘I he Fehu’I ‘amui ange ‘oku pehe; ‘Oku ‘I ai ha me’a makehe ke alea’I ?’Oku ‘I he Fakataha Lahi ke tali, pe ‘ikai ke tali, ke alea’I ha fokotu’u pe heni. KUPU 25: KO E Tokolahi kae lava ke fai ha Fakataha Lahi:(QUORUM) Ko e Tokolahi kae ‘ave lava ke fai ha Fakataha Lahi ko e kau memipa ‘e toko tolungofulu pe lahi hake, pea kapau ko e Fakataha ‘a e Komiti Pule pe ko e Komiti Ngaue ‘o ha Va’a ‘o e Kautaha,kuopau ke toko nima pe lahi hake kae lava ke fai ‘a e fakataha ko ia. KUPU 26: Fakaha-loto: (Voting) I. Tukukehe ‘o hane ko ia ‘oku ha ‘I he Kupu 27, ko e Fakaha-loto kotoa pe ‘I ha Fakataha,kuopau ke fai ia ‘aki ‘a e hiki-nima (show of hands), tukukehe ‘o ka loto mo kole ha toko uofulu pe lahi hake ‘o e kau-memipa ‘oku nau ‘I ha fakataha, ke fai ha fakaha-loto pe ko ia. ‘aki ha paloti fakapulipuli, pea kuopau ke fai ‘a e fakaha-loto ‘aki ‘a e founga paloti fakapulipuli. 2. Ko e memipa takitaha, kuopau ke ne hiki-nima tu’o taha pe ‘I he paloti takitaha. 3. ‘I ha Fakataha, ‘e lava p eke kau pe ta’ekau ‘a e Sea ‘I he Fakaha-loto, pe ko ha’ane toki fai pe ha’ane fakaha-loto ‘o kapau ‘oku vahevahe malie ‘a e paloti ‘a e ongo fa’ahi. KUPU 27: Paloti Fakapulipuli: i. ‘I he Paloti Fakapulipuli, kuopau ke fai ‘a e fakaha-loto ‘a e memipa takitaha ‘aki ha’ane tohi ‘a ‘ene fili, pe ko hono loto, ‘I ha lau’I pepa ‘e taha pe mei he ngaahi lau’I pepa paloti na’e ‘osi tufa. II. Koe pepa paloti kotoa pe kuo ‘osi fakafonu, kuopau ke fakafoki pe tanaki ia ke lau mo sivi, pea ketoki fakaha mei ai ‘a e ola ‘o e paloti ko ia III. ‘I ha Fakataha Lahi, ‘e lava pe ke fai ‘a e fakaha-loto ‘aki ‘a e Paloti fakapulipuli, ‘o ka ‘oku fokotu’u mo poupou, pea loto ki ai ‘a e tokolahi ‘o e kau memipa ‘oku nau ‘I he Fakataha Lahi Fili Lakanga ko ia. a. Fili ‘o e ngaahi Lakanga ‘o e Komiti Pule. ‘E toki lava p eke fai pehe ni ‘o ka ‘oku fokotu’u mo poupou, pea loto ki ai ‘a e tokolahi ‘o e kau memipa ‘oku nau ‘I he Fakataha Lahi Fili Lakanga ko ia. e. Fakahifo ‘o ha memipa ‘o e Komiti Pule. f. Fakahifo kotoa ‘a e kau memipa ‘o e Komiti Pule. g. Tamate’I,ta’ofi, pe fakangata ‘a e ngāue ‘a e Komiti Pule h. Tamate’I, ta’ofi, pe fakangata ha fa’ahinga ngāue ‘a e Kautaha. i. Tamate’I, ta’ofi, pe fakngata ‘a e Kautaha. KUPU 28: Kau Ngaue ki he Pepa Paloti (Scrutineers) ‘Oku ‘I he Fakataha ke fili ha toko tolu pe lahi hake mei he kau memipa ‘oku nau ‘I he Fakataha, ken au tokoni ki he Sekelitali ‘I he tufa, tanaki, lau pea mo e sivi ‘o e ngaahi pepa paloti. KUPU 29: Kamata mo hono Faka’osi ‘o ha Fakataha: 1. a) Kuopau ke kamata’aki ha lotu ‘a e Fakataha kotoa pe a’e Kuataha.‘E fai a e lotu ‘e he tokotaha ‘oku ha hono hingoa ‘I he Polokalama. e) Hili ‘a e Lotu, ‘e fai leva ‘e he Sea ha lea Fakamālō mo Fakafe’iloaki. 11. a) ‘Ihe hili ‘a e ngaahi Fehu’I ‘I ha Fakataha, kuopau ke fai ha ngaahi lea Fakamālō Fakalangilangi ki he Sea, Kua Faifekau Pule. Pataloni pe Hou’eiki, Kau-faifekau Faka-Vahenga mo e Sekelitali. e) Kuopau ke faka’osi ‘a e Fakataha kotoa pe ‘aki ha Lotu, pea ‘e fai ia ‘e he tokotaha ‘oku ha hono hingoa ‘I he Polokalama. KUPU 30: Ngaahi Ngāue ‘a e Ngaahi Fakataha Lahi: 1. Fakataha Lahi Fakata’u:- Konga ‘Uluaki:- Fakataha Lahi Fili Lakanga Fakata’u:- a) Ko hono fili ‘o e kau ‘Ofisa ‘o e Komiti Pule. 1. Sea pea mo hono Tokoni 2. Sekelitali pea mo hono Tokoni 3. Tauhi Pa’anga pea mo hono Tokoni 4. Angi pea mo hono Tokoni 5. ‘Ofisa Fetu’utaki pea mo hono Tokoni 6. ‘Ofisa Fale’I pea mo hono Tokoni 7. Fakafofonga ‘e toko valu(8), ‘a ia ko e Fakafofonga ‘e toko taha ‘o e kau memipa mei he Vahe takitaha ‘o e ngaahi Vahe lalahi ‘o e ngaahi Vahenga Ngāue ‘o e Vahefonua Tongatapu. e) Kau Memipa Fakalangilangi ‘o e Komiti Pule: 1) Pataloni pea mo hono Tokoni 2) ‘Atita pea mo hono Tokoni 3) Loea pea mo hono Tokoni 11. Ko hono alea’i ha ngaahi me’a kehe fekau’aki mo e ngaahi lakanga ‘I he Kautaha. Konga hono Ua: Fakataha Lahi Fakata’u Kakato: I. Ko hono lau, alea’I pea mo hono tali ‘o e:- a) Miniti ‘o e Fakataha Lahi Kakato ‘o e ta’u kuohili. e) Fakamatala Fakata’u ‘a e Sea ‘o e Komiti Pule ‘o e Kautaha fekau’aki mo e ngaahi ngāue ‘o e ta’u kuohili. f) Fakamatala Pa’anga Fakata’u, kuo ‘osi ‘Atita’I ‘a e Tauhi pa’anga II. Ko hono alea’I ‘o e ngaahi fokotu’u ‘a e kau memipa mei he ngaahi Va’a ‘oe Kautaha. III. Ko hono alea’I ‘o ha ngaahi fokotu’u ‘a e kau-memipa mei he ngaahi Va’a ‘o e Kautaha. IV. Ko hono alea’I ‘o ha ngaahi me’a kehe fekau’aki mo e Kautaha. 2. Fakataha Lahi Makehe: I. Ko e ngaahi ngaue ke fai ‘I he Fakataha pehe ni, kuopau ke fakangtangata pe ia ki he kaveinga na’e ha ‘I he Tohi kole pe/moe Tohi tangi na’e ma’u ‘e he Komiti Pule. II. Kapau ‘e toe ‘I ai ha fokotu’u kehe ‘e fai mai ‘I he fehu’i: ‘Oku ‘I ai ha me’akehe ke alea’I? ‘Oku ‘I he kau memipa ‘oku nau ‘I he Fakataha ko ‘eni, ke fakakaukau’I ke tali ke alea’I pe ke ta’etali KUPU 31: ‘E lava ke fakafofonga’i ‘a e ngaahi Vahefonua ke he ‘i Tonga ni pea mo e ngaahi Vahefonua ‘i Muli ‘i he ngaahi fakataha ‘oku ha ‘i he kupu 30, ‘o hange ko ia ‘oku ha ‘i lalo. I. Kau Fakafofonga ki he Fakataha Lahi Fili Lakanga Fakata’u: a. Ko e kau Faifekau Pule mo e kau Faifekau Vahenga kotoa pe ‘o e Siasi kuo nau ‘I he VaheFonua ‘oku fai ai ‘a e Fakataha. e. Ko e kau Fakafofonga ‘e toko nima ‘o e kau memipa ‘o e Kautaha kuo ‘osi fili mei he Vahefonua taki taha II. Ko e Kau-memipa kehe ‘o e Kautaha mei he ngaahi Vahefonua ‘e lava kenau kau ki he Fakataha Lahi Fakata’u Kakato pea mo e Fakataha Lahi Makehe ‘o kapau ‘oku nau ‘I he Vahefonua ‘oku fai ai ha Fakataha Lahi pehe. KUPU 32: Ko e Ngaahi Fehu’I ke fai ‘aki ‘a e Fakataha Lahi Fakata’u: Konga ‘Uluaki: Fakataha Lahi Fili Lakanga Fakata’u: Fehu’i 1: Kuo katoa mai ‘a e kau Memipa ‘oku ngofua ke kau ki he Fakataha ni?(Ko e tali ki he Fehu’i: “Kuo katoa mai” Pea ke fai ia ‘e he Sea lolotonga ‘o e Komiti Pule. a. Kau Faifekau Pule pea mo e kau Faifekau Faka-Vahenga kotoa pe ‘o e ngaahi Vahefonua; Tongatapu Ha’apai Hahake Ha’apai Lulunga Vava’u Ongo Niua ‘Eua Nu’usila ‘Aositelelia Ha’amoa Hawaii ‘Amelika e. Sea ‘o e Komiti Ako ‘a e Siasi pe ko hano Fakafofonga? f. Kau Memipa kotoa ‘o e Komiti Pule? h. Kau Memipa ‘e toko nima (5) mei he ngaahi Va’a ‘o e Kautaha ‘I he Vahefonua Tongatapu? i. Kau-Memipa ‘e toko (5)mei he ngaahi Va’a ‘o e Kautaha ‘I he Vahefonua Tongatapu? Ha’apai Hahake Ha’apai Lulunga Vava’u Ongo Niua ‘Eua Nu’usila ‘Aositelelia Ha’amoa Hawaii ‘Amelika K. Sea pe Fakafofonga ‘o e Kautaha ‘a e kau Tauhi Fanau mo e kau Faiako (PTA)? Fehu’I 2: Ko hai ‘oku tau ‘I heni? Fehu’I 3: Ko hai ke fili ki he ngaahi Lakanga Fakalangilangi mo e ngaahi Lakanga Faka-fakataha ‘o e Komiti Pule ‘o e Kautaha? 1) Pataloni mo hono Tokoni (Fakalangilangi) 2) Sea mo hono Tokoni (Faka-Fakataha) 3) Sekelitali mo hono Tokoni “ 4) Tauhipa’anga mo hono Tokoni “ 5) Angi mo hono Tokoni “ 6) ‘Ofisa Fetu’utaki mo hono Tokoni “ 7) ‘Ofisa Fale’I mo hono Tokoni “ 8) Fakafofonga ‘e toko valu ‘o e ngaahi Vahe Lalahi ‘o e Vahefonua Tongatapu “ 9) ‘Atita mo hono Tokoni (Fakalangilangi) 10) Loea mo hono Tokoni “ Fehu’i 4: ‘Oku ‘i ai ha ngaahi me’a kehe ke alea’i fekau’aki mo e ngaahi Lakanga ‘i he Komiti Pule ‘a e Kautaha?. Fehu’I 5: ‘E fai ‘afe ‘a e Fakataha Lahi Fili Lakanga Fakata’u ka hoko?. Konga Hono Ua: Fakataha Lahi Fakata’u Kakato Fehu’i 1: Kuo katoa mai ‘a e kau memipa ke kau ki he Fakataha Lahi ni (koe tali: “Kuo katoa mai” Pea ‘e fai ia ‘e he Sekelitali Lahi) Fehu’i 2: Ko hai ‘oku tau ‘i heni? Fehu’i 3: Ko e ha ‘a e Miniti ‘o e Fakataha Lahi Fakata’u Kakato ‘o e ta’u kuohili? Fehu’i 4: Ko e ha ‘a e Fakamatala Fakata’u ‘a e Sea ‘o e Komiti Pule fekau’aki mo e ngaahi ngaue ‘a e Kautaha ‘I he ta’u kuohili? Fehu’i 5: Ko e ha ‘a e Fakamatala Pa’anga Fakata’u, kuo ‘osi ‘atita’I,‘a e Tauhi Pa’anga. Fehu’I 6: ‘Oku ‘I ai ha fokotu’u fekau’aki moe Konisitūtone? Fehu’I 7: ‘Oku ‘I ai ha fokotu’u mei he ngaahi Va’a ‘o e Kautaha ke alea’i.? Fehu’I 8: ‘Oku ‘I ai ha me’akehe fekau’aki mo e Kautaha ke alea;i? Fehu’I 9: ‘E fai ‘afe ‘a e Fakataha Lahi Fakata’u Kakato ka hoko? Fakataha Lahi Makehe: Fehu’I 1: Kuo katoa mai ‘a e kau memipa ke kau ki he Fakataha Lahi ni? (ko e tali:”Kuo katoa mai”Pea ‘e fai ia ‘e ha Memipa ‘o e Komiti Pule) Fehu’I 2: Ko hai ‘oku tau ‘I heni? Fehu’I 3: Ko e ha ‘a e Kaveinga pe Taumu’a ke alea’i? Fehu’I 4: ‘Oku ‘I ai ha me’a kehe ke alea’i? Fehu’I 5: ‘E fai ‘afe ‘a e Fakataha Lahi Makehe ka hoko? KONGA VIII: KOMITI PULE (EXECUTIVE COMMITTEE) KUPU 33: Naahi Mafai: I. Ko e tataki (management)’o e Kautaha pea mo hono fakahoko ‘o ‘ene ngaahi ngaue ‘I he taimi ko ia ‘I he vaha’a ‘o ha ongo Fakataha Lahi Fakata’u, ‘oku ‘I he Komiti Pule ia.(Sio ki kupu 21) II. ‘Oku ‘I he Komiti Pule ke fokotu’u mo fili ha ngaahi Komiti-Si’i(Sub Committee), pea ko e ngaahi Komiti-si’I ko ia kuopau ken au fakaongoongo ki he Komiti Pule. III. ‘Oku ‘I he Komiti Pule ke fili ha memipa kehe ‘o e Kautaha ke fakamo’oni-hingoa ki he Tohi Pangike(bank book) pe Tohi sieke(Cheque Book) ma’ae Kautaha, ‘o fekau’aki mo ha me’a kuo hoko ki ha taha ‘o e kau memipa kuo fakamafa’I’I ‘e he Konisitūtone ke fakamo’oni-hingoa ma’ae Kautaha. IV. Ke fakakaukau’I pea mo tu’utu’u ni ke fai ha ngaue kehe ‘a ia ‘e toe faingofua mo lelei ange ai ‘a e ngaahi ngaue ‘a e Kolisi Tailulu, ‘I he taimi ki mu’a ha FakatahaLahi Fakata’u. Ko ha ngaue kehe pehe ni kuopau ke fakaha mo fakapapau’i ia ‘I he Fakataha Lahi hoko mai. V. Ke tauhi ‘a e ngaahi tohi Pangike(Bank Books)’a e Va’a takitaha ‘I he Vahefonua Tongatapu, pea ke leva’I mo fakatokanga’i lelei ke fai ‘a e fakamole kotoa pe ‘o fakatatau pe ki he ngaahi taumu’a ngaue ‘a e Kautaha ‘oku ha he Konisitūtone. VI. Ke fai ha fakalelei pe ha tali fakafiemalie ki ha fa’ahinga me’a ‘oku ta’efiemalie ki ai ha kau memipa ‘o e Kautaha.(Sio ki he Kupu 23 kupu si’i(iii) VII. a) Ke fakamalolo pe fakahifo ha memipa ‘o e Komiti Pule ‘oku ‘ikai ke fakafiemalie ‘a ‘ene fai hono fatongia. e) Ke fili ha taha ke ne fetongi ha memipa ‘o e Komiti Pule kuo fakamalolo’I ‘aki hano vakai’I ‘o e Miniti ‘o e Fakataha Lahi Fili Lakanga kuohili, ki he hingoa ‘o e tokotaha na’e hoko hake ki he tokolahi ‘o e kau memipa na’e fili ki he tokotaha kuo fakamalolo’I, pe ki hano toe fili pe ha taha kehe ke ne fetongi ‘a e lakanga kuo ava. VIII. Ke fakakaukau’I ‘a e ngaahi Kupu ‘o e Konisitūtone ‘oku totonu ke liliu, to’o pe tanaki atu ki ai mei he taimi ki he taimi, pea ke fakatatau ma’u pe ki he ngaahi ngaue ‘a e Kautaha. IX. a) Ke tu’utu’u ni mo fanongonongo ‘a e feitu’u, ‘aho mo e taimi ke fai ai ha Fakataha Lahi Fakata’u pe Fakataha Lahi Makehe. e) Ke tu’utu’u ni mo fanongonongo ha feitu’u kehe ke hiki ki ai ‘a e ‘Ulu’I ‘Ofisi ‘o e Kautaha ‘I he Vahefonua Tongatapu. X. Ke fakangofua ha memipa kehe ke ne ngaue’aki ‘a e ‘Ulu’i-Tohi(Letter Head) mo e Sitapa(Stamp)’a e Kautaha. XI. Ko hono fanongonongo ha tanaki pa’anga pe feinga pa’anga ki he ngaahi Va’a ‘I he Vahefonua kehe ‘I Tonga nip e ‘I Muli foki. XII. Ke fanongonongo ha fa’ahinga ngaue pe ‘e kau ki he lelei ‘a e Kautaha mo e Kolisi Tailulu. he Fakataha Lahi Fakata’u, pea koe’uhi ko e mafia ko ia, ko e kautaha ‘e tataki ia ‘e he Komiti Pule.
Posted on: Thu, 18 Jul 2013 20:59:48 +0000