KWENZIWENJANI? Esokuqala By M Zungu Kusendaweni yase Mlazi ngezithuba zamadina uZenzele ulindele ucingo oluvela kuSibahle isithandwa sakhe, njengoba uZenzele engasebenzi nje wayeselilahlile ithemba lokuthi uyobuye awuthole umsebenzi. Kanti uSibahle owakwaDumakade sebeneminyaka bethandana noZenzele Zulu. Kanti uzihlalela nomama wakhe ongaphilile neze kahle. Njengoba engamazi ubaba, ogcina ngokumbona esithombeni. . Sekuphele izinyanga bengabonani njengoba uSibahle efunda emabangeni aphezulu Ongoye. UZenzele akazange abe nenhlahla esikoleni samphika esenza amabanga aphansi eMakhumbuza Primary khona la eMlazi nesimo sasingesihle kahle amasenti engekho kahle, njengoba unina wakhubazeka esasebenza kwamphoqa ukuba abuye ezohlala ekhaya Njengoba elindele ucingo luka Sibahle ubemethembise umsebenzi, emkhulumele nomunye ubaba ahlangana naye eRichards Bay oyisikhulu kwenye yezinkampani enkulu. ((((Ring-Ring)))) kukhala ucingo luka Zenzele alubuke ngokushesha abone kubhalwe ukuthi Darling aluphendule emoyizela ubala. Sthandwa sami unjani? Ngiyaphila Zenzelele. Wena? Nami ngiyaphila; sengijahe ukuzwa ukuthi kuhamba kanjani kule ndaba ebesiyixoxe izolo? Ngikhulumile naye uSizwe. Ngicela ufike ngeSabatha ukuze nizohlangana kahle naye nixoxe. Kodwa sthandwa sami ngicela ungamtsheli ukuthi siyathandana Wangidida manje Sbahle why kumele engazi? Ngicela singayixoxi la ocingweni leyo. Kodwa ngicela ungithembisa ukuthi uzokwenza njengesicelo sami Ngizozama Bahle wami Bevalelisane kodwa uZenzele isamdida lento eshiwo uSbahle. Kungenzeka useyajola. abuye awuphebeze lowo mcabango. Hhayi sengozwa khona **** USibahle kugobhoza izinyembezi ezihlathini. Futhi necebo lakhe lokusondeza uZenzele lihamba kahle. Naye ayikho into angayenza kubalulekile ukuthi ayenze lento. . Kungene umngani wakhe uNozipho. Sbah wabukeka ungeneme kwenzenjani?. Ngabe usakhathazwe yindaba kaLwandle namanje? Ziphoh uyeza uZenzele ngeSabatha angazi ngizomisa kanjani. Ngoba ngabe angiyenzi lento ukube uLwandle uyayivuma le ngane. Wena eyakho wayivuma kanjani? Indaba ende kodwa wagcine eseyivumile. Asiyiyeke leyo Ngiyezwa, angifanele ngabe ngingumngani wakho. Ngemuva kwalamanyala engawenza nomunt.. Shiii ungakhali Sbahle ngeke ngikuthwese icala wena. Umuntu engabe ngiyamzonda nguye uLwandle hhayi wena. ezama ukududuza umngani wakhe izinyembezi zilokhu zigeleze njalo kuSbahle. . USbahle ukhulelwe ingane kaLwandle Mngomezulu ohlala khona lapha eRes yaso Ngoye kodwa kubo kukaDlangezwa. Babehlezi noSbahle bejabulele imiphumela yabo yesibili uNozipho esathe shwi ngase khaya eMlazi kanti bazokweqiwa uphuzo bagcina sebenza okungaphezulu kwabo. Phela yinhle le ntokazi yakwaDumakude zonke izinsizwa ziyazifela ngayo. NoLwandle uyazifela ngoNozipho wakhe yize ziningi izintokazi ezizifunela yena uLwandle. . uLwandle ungowakwa Mngomezulu. Khona lana kwaDlangezwa wakhuliswa ngumama wakhe. Kanti ume kahle kwezezimali akaswelwe lutho. Inkinga naye akamazi uyise. USizwe Mthethwa ungubaba osekhulile impela kodwa akudlulwa sketi. Nguye lona otholele uZenzele umsebenzi. USizwe uyawathanda amantombazane amancane Ewakhulelise bese ewashiya kanjalo. Yonke indawo le enezingane ezinye akazazi. Unjalo ke umuntu onemali uhambe ezalisa nje edicilela phansi ikusasa lezi ngane zabantu. uSizwe uzama ukuzakhela ubuhlobo obuhle noSbahle. Bese bejwayelene impela waze wathola ithuba lokucelela uZenzele umsebenzi, yingakho uSbahle etshele uZenzele ukuba angasho ukuthi bayathandana kungcono amazi njengo bhuti wakhe ngoba uma eke wazi nje izowuchitha umuthi inkonyane. Enqondweni kaSizwe, wazi ukuthi kuza umfowabo kaSibahle uyayithanda le ngane uSizwe. Wenza njena vele kuzozo zonke izingane zabantu uzithembisa izulu nomhlaba bese ezilaxaza kuhle kwenyongo yeNyathi. **** USibahle akangazi kahle, ucabanga ukuthi usewinile nje kalula kanjalo. Akekho umuntu ongaba-betrayer uNozi,Nozi kuphele kanjalo. Kuzomele ngilungise uSizwe kuqala, ngeke ngidlale yena mina phela le ingane eyakhe. Wee mah uma angase ezwe uLwandle engangibulala ekubeni ekhulisa ingane okungeyona eyakhe ekhuluma yedwa uNozi ebukela umabona kude. Ungadlala nje udlala uMaNozi Nozi :D hhayi abangiyeke dade ehleka ubala. Andose umakhalekhukhwini Mama ninjani?...uyaphila uDlangamandla wami kodwa?..... Okay mama sengínikhumbule nje..... Angazi ngizoba ngisazoyicela kuyise womntwana.... Ngizokutshela kusasa. Nilale kahle mama **** USbahle uhlangabeze uZenzele eBay uhamba noSizwe njengoba uZenzele ezohlala emzini kaSizwe nje izinsukwana. Ngenhlahla besheshe bembone uZenzele emile erenk yamatekisi. Bemthathe behambe naye. Sthandwa sami waze wafana nawe umfowenu athuke ome uSbahle ukuthi uqale nini ukumbiza ngalelo gama manje uSizwe. Intukuthelo ibhalwe emehlweni kuZenzele kodwa engakukhombisi lokho. Akufunde kuqala uSbahle. Bhuti wami (ecifa iso) ubaba uMthethwa lona okunguye ozokufaka emsebenzini ngicela ungamnaki ezama ukubhula umlilo (Sima kanjalo esanamuhla. Esilandelayo ngokuzayo) Asazi abalingiswa kahle. 1) uZenzele Zulu isoka lika 2) Sibahle Dumakude 3) USizwe Mthethwa (isiqumama) 4) Ulwandle Mngómezulu isoka lika 5) Nozipho Xulu (Nozi/ Ziphoh)
Posted on: Sat, 27 Sep 2014 13:10:04 +0000