Ka naupan lai chuan nau a zawnga chimawm ve ber kha ka ni miau a, bûk te sak a kid te kawikhawm kha ka talent ve tlat a, bûk te a hnim hnah ro kan peh khuk vut vut lai a kawmthlangpa lo dak thutin min tih thlabar zia mawlh kha... Kan nu leh pa te hnena sawi ngei tura kan rin vangin kan haw ngam ta lo, ka kid te pathum nen Saiha a tangin S.Vanlaiphai ban tumin kein kan kal nghauh nghauh a, thlasik vawh lai a ni tawh a, Tlangpui kan thlen kha chuan kal ngaihna awm lo khawpin khua chu a thim tawh si a, kan dap chawp a, chhunlam chauhva dawr an hawnna sethlam ah chuan kan vak lut rawih a, luah loh tih takah a vawt kher mai, ruh chhungril ber thlengin a hit chhuak vek hi a ni ringawt, khami tum khan zankhuain kha hmun vawt lutukah khan awm tlang ngat i la chuan vawt khan min hmet khawng vek ngei ang le... Tuna, khami tum chanchin sawi tur a, chhandamna Jeep lo tlan hlauh kha chu Pathian remruat liau liau a ni ngei ang, a khalhtupa pawh khan khati laia naupang pali lo awm teh ngawt kha chu a rang a rangin min hnawh lut nghal rawk a, S.Vanlaiphai ni lovin Saiha lamah chuan min phur let ta vawn vawn mai a, kan awmna veng thlenga min thlahin, kan veng kan han lut chu bo zawng tura pungkhawm tam tak karah kan nu leh pa te chu mittui nen hnaptui nen an lo insut chiau nasa tawh mai a, ka pan min han hmu chu ka fapa tiin a lo tlan phei hlawk hlawk a, min pawm nawlh a, min pawm vawng vawng mai a, ka kid te ho pawh chu chuti tho.. Min hauh hrep ka rin teh reng nen chuan rina lohva uibúk sa chikhat chu a ni ve reng reng. Mihring ve tho kan lei Pathian te pawhin min hmangaih hle a nih chuan, Pathian hmangaihna hi chu a va lo nasa dawn em aw.... O:)
Posted on: Tue, 05 Aug 2014 14:09:07 +0000
Trending Topics
Recently Viewed Topics
© 2015