Kaiga Fb fakatoese atu mote talimuli ote muna ote aso nei kiluga nei.E lei e fakapa atu fua mo takitaki ote tou auala i itula toe ote aso nei pela foki mo gasuega ote olaga i itula takitasi. Talofa te malu ote fale o tatou ite taeao fou ote aso tenei o te Aliki, Fakafetai kite alofa o te Atua fai Tama lei ko ola manuia mai tatou kite aso tenei I tena alofa fakasoa mo tatou ana fanau. Fakafetai foki ko maea atu a tapuakiga ne fakafeagai mo tatou I tena aso tapu anafi ne lagona iei ne tatou a tena muna ne manava mai ne ana tavini I fata faitaulaga I faga mo maota kesekese I kogakoga e ola iei tatou mo tou fanau. Ka maua te muna mo tatou ite taeao tenei e takitaki ki iei tou auala I galuega mo kogakoga ka olo tatou ki ei ite aso tenei e fai penei,Fataoto 14.23 Galue ke maua mea e ola ei koe, kafai koe e sagasaga fua kae gutu faipati e iku tou olaga ki te mativa. ULU- TOU MALOSI KO TOU MAUMEA. E tokouke a tino ite olaga tenei e kauga kae anini fakatasi ite faipatiga tenei a te poto ko solomona, a olotou malosi ko to ki olotou gutu ako olotou faiga e fai ne latou e pela me ne malele aulo e safe I olotou ua mo fakagaligali ki iei ate foitino. Te kupu tenei ate poto ko solomona se alagamuna e fakasino kae fakatonu kae fakamasaua mai ki a tatou me kafai fua tatou e talo kite Atua ke maua ne tatou ana maumea mo ana manuia mo mea kola e manako tatou ki iei ,kae oti ko aumai iei tatou o fatai kae pilima ou lima kae faipati kae se olo tatou o galue, e se taitai foliki eiloa o maua ne tatou te manuia tela e sala kae talo tatou ki te Atua ke maua, ate olaga e nofo mativa eiloa. E pena foki te poto mo koulua tou fanau I loto I akoakoga, kafai koe e tauloto malosi kae ka tau ne koe te taukai o fuataga gali ite fakaotiga. kae kafai koe e telesale fua o aauli a auala ite akoga kae se sukeuske io me tauloto ite fakaotiga e fakamae fua ne koe a loto o matua. Te fakamalosiga mo te fale o tatou ke fai tatou mo tino talo, kae fakatino ne tatou ki tou olaga galue, e talitonu te loto mote agaga mai konei me kafai e tautali tatou ite mulivaka o solomona e mautinoa ite finagalo tenei me ka maua ne tatou te olaga manuia mote filemu tela e salasala tatou ki iei ke maua ne tatou. Te talosaga mai konei kote Atua ke fakamanuia ne ia te fale o tatou I mea katoa e fai ne tatou ite vaiaso tenei, mo koulua fanau ka fakatokatoka mo faigasukega ke manuia a sukega ka fakafeagai mo koulua, mo koulua I galuega mo tiute ke manuia koulua I o lua faiva masani, e pena foki koulua e lele I luga ite ea kae Malaga I faiga fonotaga ke manuia koulua ite alofa o te Atua. Me tefea te kogakoga ote lalolagi e tapee solo iei a fanau ote fale o tatou ite aso tenei me kote vaitau tenei, Austalia, Fiji, Tuvalu, NZ nei etc, ke pena o fakamanuia atu te Atua ki a koulua mo kaiga katoa o koulua.
Posted on: Mon, 11 Nov 2013 03:20:23 +0000