Kan fate hi Church of England school-ah kan kal tir a, he lam school hi naupangte tihphur dan thiam ngang hi an ni a, kartin writer of the week, best reader of the week etc award an sem thin a. Kan fapa Joseph Vanlalremruata hi award a dawng ve nual tawh a, super star award te kha an rawn hlan rup tawh bawk a! Vawiin chu an Assembly ka va tel ve a, Award for a Fantastic Singing Voice an lo hlan leh rup mai a!! Kei a pa phei chuan a zaithiam tih ka lo hre bawk si lo va! Krismas dawn hnaia programme an hman tur an inbuatsaihnaah an school choir-ah a chang tawp berna an lo solo tir a, tukin an Assembly hruaitu (an zirtirtu pakhat) phei chuan Joseph, i zai khan ka hnuk min tiulh! Min vel! te a lo ti hial a! A zai thiam leh thiam loh chu thu dang ni se, mi zak zum ang reng tak, hetianga a solo tura an thlang leh a lo ti ve ngam hrim hrim pawh hi kan lawm hle a ni.
Posted on: Fri, 28 Nov 2014 14:26:47 +0000
Trending Topics
Recently Viewed Topics
© 2015