Kan hmaah State level RGKA leh Womens Sports Tun hmaa PYKKA tih thin, RGKA (Rajiv Gandhi Khel Abhiyan) an tih tak, sawrkar laipuiin thingtlang mite sports lama hma an sawnna tura a ruahman beihpui thlak kal zelah State Level Competition chu November 3-8, 2014 chhungin Aizawlah neih a ni dawn. Kar kalta khan district huap RGKA zawhfel a ni tawh a, state level rural sports neih a nih rual hian Womens Competition bik pawh intihsiakna hrang hrangah neih a ni bawk ang. Nov.3-4, 2014 chhungin Group I intihsiak - Judo, Taekwondo, Boxing leh Wrestling te Hawla Indoor stadium-ah neih a ni ang a, Weightlifting chu SAI SAG Centre Mission Vengthlangah, Badminton leh Table Tennis chu Ramhlun Indoor Stadium-ah neih a ni ang. Nov.6-8, 2014 chhungin Group II - Athletics leh Football te Rajiv Gandhi Stadium, Mualpuiah neih a ni ang a, Hockey chu Ramhlun Sports Complex-ah khelh tura ruahman a ni. Womens Competition Group I pawh Nov.3-4, 2014-ah neih a ni ang a, Badminton leh Table Tennis te Ramhlun Indoor Stadium-ah khelh a ni ang a, Group II, Nov.4-ah Tennis (Ramhlun Sports Complex), Swimming (KV Multipurpose School), Volleyball (Ramhlun Sports Complex) leh Basketball (Ramhlun Sports Complex) te khelh a ni ang. Group III-ah Athletics chu College Veng Field-ah khelh tur a ni a, Hockey chu Ramhlun Sports Complex-ah Nov.6-8, 2014 chhungin khelh tura ruahman a ni. RGKA hi kum 16 hnuailam tan a ni a, womens competition erawh senior level, kum 25 hnuai lam tana tih a ni.
Posted on: Mon, 20 Oct 2014 15:13:29 +0000
Trending Topics
Recently Viewed Topics
© 2015