Kaphungram li doctor bingna kachang khani ot saphalungra: CM IMPHAL, Nov 17 : Manipur chief minister Okram Ibobi Singh na aja Imphal wui Lamphel li khalei State Medical Directorate li Nursing college akha dharchikat kami haira. Inaugural function chili matuida CM Ibobina hanga chia kaphungramli Specialist doctors bingna kachang khani-ni ngatakta posting pam khavai shorkar na tuilep khuikahaina kala hi Manipur wui kaphungram bingli doctor khavat wuivang eina arisang seishada khalei chi mathasang khavaina jiya. Ana hangluiya chia doctors kala nuses bingwui transfer kala posting kasa hi health sector li challenging salak kahai akha ngasa haira. Doctors kala nurse bingli kaphungramli posting chipam hailala athumna duty report masala pam kahai wui vang Primary Health Sub-Centres kayakhala seisha kahaina, da CM na hanga. Chiwuivang eina medical staff matailak eina nurses appoint kasa tharan local apam wui mibingli priority milaga otpam li sangkhavai shorkar na thuklak eina majukta leiya, da Ibobina hangluiya. Atam hitharan, doctor bingli attachment basis eina kaphungram li kachang khani wuivang shivaser khavai shorkar na khangaran p[anglak eina sada leiya da ana hanga. State health minister Phungzathang Tonshing, Local MLA Laishram Nandakumar Singh kala Principal secretary Dr J Suresh Babu, Director state Health services Ibomcha langmeida Imphal West district wui health centres wui senior official athumbingnala Tuesday thang wui nursing college wui formal inauguration programme chili rangaruma.
Posted on: Tue, 18 Nov 2014 13:38:35 +0000
Trending Topics
Recently Viewed Topics
© 2015