Khawnge Jennifer Vetopi hi Free Verse 14 in kan lem leh teh ang, a ngaihawm ru reh tha reuh em mai! - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - Ka mit chuan lemziak thiam rukhmang mi chantir e, I mawina chu ka thinlungah duhawm takin a inrem a; I duhawmna pawh ka sakruangah mawi takin a bei rem e, Lemziak thiam kutchhuak ropui ber chu a thinlung mitah a awm; Lemziak mi themthiamna chu a lemziakah tarlanin a awm si thin, I hlimthla dik taka tarlana a awmna ngei zawng hmu tur chuan; Ka tang banglai nemah tuma khawih chet lohna-a ka khai chu, A kawngka biang mila i mitmeng nen inhmu rem tak tura duan a ni; Thinlung mit pahnih intawksir chuan eng nge an sawi tak ang le? Eng hamthatnate nge mit pahnih inbuktawnna chuan a thlen ang? Kei zawngin i hlimthla ka hmuh ka duang chhuak mai a ni thin si a, Ka thinlung kawngka bianga Ni zung thlar ten an pawlh mawi belhchhah a; Ka thinlunga I hlimthla thlir an nawmna chuan i mawina an belhchhah e, Hringmi mit erawh dawi-at a awmin hlimthla suak lakah a zahngai lui a; An mit chuan a hmu a, hlimthla dik tak erawh an duangchhuak thiam si lo.
Posted on: Mon, 12 Jan 2015 08:57:22 +0000
Trending Topics
Recently Viewed Topics
© 2015