Khawnge Liverpool midfield kha? Tun season kan khelhdan kan hria a, tumah kan lungawilo. Sawisel tur pawh kan ngah; defence lam set piece a kan inven theihloh zia te, Sturridge inhliam hnu a striker tlanchak leh finishing tha kan neih loh zia te kan sawi thin. Kan sawi tam vak loh leh transfer chhunga kan siksawi loh, midfield department lam hian beisei an pha lo hle mai. Season hmasa ah Liverpool game tihmuhnawm em em tu chu midfield a ni. Midfielder 3, rang tak taka ball in pass kual, creative em em mai, midang ball chhuhsak leh interception-a tha tak, long or short pass a tisual tlem em em mai kha kan hmu thin a. Season alo thar a, beisei ang midfield play kan hmu ta tlat lo, ball an in pekual dik thei ta lo va, midang ball an chhuhsak thei hlawl lova, striker te ball fing tak takin an chawm thei ta lova, ball possesionah pawh kan tlahniam ta viau mai.. Player ngai tho, ti em em a an khel a dang ta hi engvang nge nita ang???? 1. Kan khelh dan an hria - Aston Villa leh Westham kan khelh khan Agbonlahor leh Downing te khan pet goal lam aiin Steven Gerrard dan chah kha an tuipui zawk tlat. Gerrard khelhdan hi defensive midfielder a ni satliah lova, anmahni tawngkam tak chuan deep lying playmaker an ti kher a, midfield enkawltu ber, game tempo siamtu, creative ber anni. Gerrard an dan chep tlat chuan inkhel a danglam lo thei lo.. Tin, defensive taka khelha striker/winger tlanchak tak hmanga mn beih let thut an ching, hei hi chu season hmasa atanga kan chaklohna a ni tawh hrim hrim a, mhs team pahnih thum bakin hman nachang an hre lova, tun seasonah chuan an hre tawh tlat. Pakhat leh chu, ball kan in pass na tam ber defence leh mifield inkarah player 4/5 vel hmanga min chimbuai thut an ching, hei hi City leh Qpr ten an rawn hmang. Striker thatloh vang - Kan mifield a tlakhniam chhanah hian striking department lam that tawk loh vang a ni ve thei bawk. Nikumah khan Suarez ball i pass chuan ball a keng thei a, Sturridge i pass pawn chuti bawk a nia. Tun seasonah Sturridge inhliam hmaa kan khel hnuhnung ber vs Tottemham a kan khel kha chu ala mawi em em a ni. Tin, striker in a nghawng dang leh ni a lang chu PACE a ni, Striker tlanchak kan neih lai chuan counter attack laka inveng turin lehlam defender te an up ngam lova, an midfield leh defender te inkarah space a awm a, midfield a thawl. An midfielderte an tawlh hnun chuan an strikerte nen an inkarah space a awm leh a, midfield ala thawl tho a ni. Loss of confidence - Sawi tam a ngai lo, chakloh laklawh chuan confidence an hloh tlat thina, player ngai tho pawh nise, an thiam an theihnghilh ta thut ta mai emaw tih turin an awm thei tlat thin.. Hetah hi chuan Manager leh senior player ten tihtur an nei tih an inhria ang. Sawi tur tam tak a awm thei awm e, kan sawi seng lova, kan hre vek bawk lova. Sawi tur pawh in nei ve ngei ang. Han sawi ve teh u.
Posted on: Sun, 02 Nov 2014 11:53:11 +0000
Recently Viewed Topics
© 2015