Khrih Rang Oen Thaihu Boeih N’sai Thai Poen Posted on August 8, 2013 by Admin — No Comments ↓ Hlemvai caah ka paya pakhat oen ka voem hih tih sengim nakai atah scholarship he nadang thai ta ka tinah. Ahih lawngah “hlanghli pateng dangthai nawh ah ka dang thai nawh my” ti kah awl lawng he kakaw bi abi. Tudawng ah tila ati kai aw. Kai he khrihca la ka awm Pathen ka oeng ati boel tah ka ti. Aphi ka sawktah Pathen oeng nahe dyk phoei Vandawng poengna pang naham byng nawh pai he ti kahuh. Philipi 4:13 dawngah “Tharaana aka pekung Khrih Jisuh rang oen thaihu boeih ka sai thai.” tila ti. (KJV) Tuah Bible dawngah hetila ati boel tah ah hih lawng “hlanghli pateng dang thai nawh ah ka dang thai nawh my” ati he ka byh vengah Bible cabu he n’pawm de metila ka hawna ai tihe n’ming nawh hyn pai he ka ming. Dilai han kuirang hli he Khrihca la awm nawh, Pathen bawknawh, Pathen oeng nawh de Bible kah awlpek he aphoeih u khah. Ahimi lawng metila ati u Pathen lawng hlanghing he Amah muisam lou ula a sai. Tedawngah, Amah muisam oen alawh u atah asai hlanghing lawng khaw Amah Pathen angla thaihu n’ngaih boeih he n’sai thai ai tila a pawm u. Tebyng nawhtih, Business tama (chawlet) hli lawng n’tu a pawm u bal ti kawinih “The Power of Positive Thinking” he Lungpawk angla aphoeih u khah. Athena benah focus sai myhla athen naben byng he kawpoek akhyh u. Thuinamaiah, Brandname dawr he kasai ve tih hlangteng ah kum khatah 3 ka yoeih thai kawinih kum 10 khuiah dawr 30 ka yoeih thai ai. Dawr pakhat ah royalty fee hla takym ah $1000.00 ka lou kawi nih, dawr 30 lawng hlakhat ah $3000.00 income tila poekna akhyh. Dawr he ka yoeihthai nawh atah tangka kasung ai ti ka kaw poek khyh u nawh. Amah mi kah adang naham byng ni a peok u. Khrihca la n’awm natah kum san poen de Bible dawng kah awlkam nahe Dilai dawng n’hing veng kaham n’hawna thai nawh hyh. Dr. Vanramuk (U.Ba U) mitila ati hlanghli lawng ah sayapa nanghe tu bu la na awm, phung thui he a hloek la awm tila n’doet u ti. Tuah ti atah Saya Vanramuk lawnghe Bible ka thui tynna he Vandawng poeng na ham byng tlaih nawh tih dilai han ah ng’hing veng practical la haw na thai ham a cang pui. Bible kah asul lam he n’tu. Mirang lawngah B – basic I- instructions B- before L- leaving E- the earth Basic instructions before leaving the earth (Dilai dawng n’hing veng thuitynna) tila ti u. Khrih ka oeng n’ti atah Bible dawng kah thui tyn nahe Vandawng poengna dang naham byng ham haw na boel silang tah Dilai dawng khaw n’sak li veng bawina dang naham khaw hawna sih. Khrih n’khyh coeng atah n’khuiah aka awm Khrih rangoen thaihu boeih n’sai thai poen. - See more at: tuudoenkung/khrih-rang-oen-thaihu-boeih-nsai-thai-poen/#sthash.c4Gqk9jH.dpuf
Posted on: Fri, 09 Aug 2013 11:09:05 +0000
Trending Topics
Recently Viewed Topics
© 2015