Kiddy VanchhawngSPECIAL REPORT 6 hrs · SRI LANKA-A CHINA TUIHNUAILAWNG CHAWL TUR INDIA IN NGAIMAWH Nov 02, 2014: Tun September thla a Colombo lawngchawlhna hmuna Chinese Tuihnuailawng rawn tawlhlut India in a ngaihmawh em em tawh laiin, Sri Lanka sorkarin Chinese indona tuihnuailawng dang Lanka lawngchawlna hmunah chawl phalna a pe leh tih thu chuan India Sorkar a tilungnilo hle. Thu dawn dan in, he Tuihnuailawng hi a a rawn chawlh thuai rin a ni. Palk Straits bul hnaia Chinese Tuihnuailawng awm deuh ta reng hian, India Sorkar mit a ti kham tawh hle a. Chuvang chuan, India sorkar chuan Sri Lanka ram hotute biak pawh leh thuai an rilruk a, an lawm loh thu chiang deuh fek-fawka hriattir an tum a ni. Chinese Tuihnuailawng dang, Sri Lanka-a a chawlh leh tur thu hi Vietnam PM Nguyen Tan Dung-an India a rawn tlawh hnu lawk khan hriat a ni a, thla hmasa lawk a, India sorkar in Sri Lanka Defence Secretary, Gotabaya Rajapaksa hnena a thuchah ngaihpawimawh lohna-ah ngaih a ni. Chinese Tuihnuailawng rual, diesel leh nuclear hmang (heng zing ami pathum te hian ballistic missile an kap chhuak thei) te hian Beijing sipai ten an tih theih ngeiawm ber te an lantir a. Tun kum tir lama Tuihnuailawng pakhat in Persian Gulf lam pang, Indian Ocean chunga a leng vel pawh kha khawvel pum huap chanchinbu mite ngaihven a hlawh tawh hle a ni. Tunhnaia thudawn dan in, Wall Street Journal chuan Chinese Tuihnuailawng rual te chu Beijing in a bul vel ram te a cho theihna lian ber a ni, a ti. Lanka lawngchawlhna hmuna an rawn lan phei hi chuan China in India thenawm ramah te bu a hreuh zau tial tial tih New Delhi in a rei tak a lo hlauh ruk tawh thu chu a ngemnghet a ni. Sri Lanka hotu sang ber te thleng in China sipai ten he thliarkar ramah hian hmun an neih loh thu sawi mahse a hnuaia point tarlan te atang hian tu rilru mah a hneh zo lo- * Kum 2005-a Mahindra Rajapaksa-a President ni tur a thlan tlin a nih hnu atang khan China in a puihna hi a kawng tamtakah a pung a, ram chhung siamthatna kawngah pawh hmuh tur a awm a ni. * Kum 1971 atanga 2012 thleng China in Sri Lanka a lo puih tawhna sum an dawn tawh $5.056 billion atang hian 94% ($ 4.761) chu 2005 atanga 2012 hun chhunga an dawn a ni. Tun kum hnih chhung (2012 - 2014) hian China chuan $ 2.18 billion a pe leh tawh a ni. Heng te hi pung sang tak nei a sum-puk (loan) ang a pek an ni deuh vek. * Phuarna tel lo policy hmang hian, China hian Japan ram luahlan in , Sri Lanka puih nasa ber tu niin, sum puktirtu No. 1 a ni mek a ni. * Chinese hovin Sri Lanka ram commercial leh economy a derthawng em em lai pawh a an puih duh tlatna hi India chuan a rin hlelhwmah a ngai. China in a sak, Hambantota lawng chawlna hmun leh Matara International airport te lah beisei angin a lun vak bawk si lova. * Chinese company ten zelthel tak a an kalpui mek hna chhe te-te te hian Rajapaksa rorelna hi a chawikang teh chiam lo. Heng an hnathawh te zing a langsar deuh ber chu $ 1.35 billion seng a an din, Norochcholai Coal Power Project hi a ni. Hei hi, Sri Lanka ram hruaituten an puitlin zawh loh, Chinese Sorkar hnenah bul tan tha leh tur a an ngen mek a ni. An manraw hman te quality a chhiat avanga tlachhe ta a sawi a ni. India sorkar in, Sri Lanka Defence Secretary, Sri Lanka President unau pa ni bawk, Gotabaya Rajapaksa hnenah tun September 15 a Colombo lawng chawlhmun a midang chawlh tir an phal thin hi tihtakzet in an ngaihmawh thu an hrilh tawh hnu pawh a, a dang chawlh tir an phal hian New Delhi lung a ti awi lo hle a ni. September thla Tuihnuailawng pakhat, Colombo-a a chawlh hun kha President Pranab Mukherjee-an Vietnam a tlawh lai leh India sipai te leh Chinese sipai ten Southeast Ladakh a Chumar, southeast Ladakh- a face-off thubuai an neih lai nen khan a in rual a. A hnuah China chuan Colombo-a Tuihnuailawng chawl kha Gulf of Eden pan a kal a ni tih thu a sawi.
Posted on: Sun, 02 Nov 2014 16:30:29 +0000
Trending Topics
Recently Viewed Topics
© 2015