Komum ekki óorði á góðmennskuna :) Skyldi "ég var geðveik(ur)" vera mantran sem tekur við af "ég var misnotuð/aður í æsku" ? Þetta hljómar kaldranalega en hjarðþjóðin Íslendingar tekur flest mál eins og hjarðdýrum tamt. Þegar mannleg málefni sem (of) lengi hafa legið í láginni komast inn í umræðuna er hreinlega eins og enginn þyki lengur maður með mönnum nema hafa verið keis*, eins og hinir. Og ekki batnar það þegar mantran er notuð (af góðum konum?) í umfjöllun um annað fólk og útkoman verður að umræðuandlagið (sá sem um er talað) verður umsvifalaust keis, með réttu eða röngu. Merkingarfræðin/orðræðufræðin fjallar m.a. um það hvernig slíkar strategíur nýtast til að ógilda allt sem frá tilteknum einstaklingum kemur, og allt saman undir kápu umhyggjunnar sem "góðu fólki" finnst fara sér svo vel. Þeas ef fólk er ekki á varðbergi þegar möntrurnar byrja að fylla fréttasneplana, svífa upp úr tebollunum og þeytast um samfélagsmiðlana. Geðveiki er alvöru mál. * keis: tilfelli
Posted on: Mon, 16 Sep 2013 11:30:52 +0000
Trending Topics
Recently Viewed Topics
© 2015