Kralendijk, 14 – 11 – 2013 Despues di algun siman di entrenamentu e selekshon di futbòl di boneriano a sali ayera djárason anochi pa hermana isla Kòrsou, pa aya partisipá na e torneo ABCS. Na dicho torneo ku ta riba nivel di selekshon divishon mayor di respektivo pais/ isla ta partisipá Aruba, Boneiru, Kòrsou (Curaçao) i Sürnam. E selekshon boneriano ku tin komo direktor tékniko Rudsel Sint Jago, ta hunga su promé wega djaweps anochi kontra e selekshon surinameño, partido ku ta tuma luga den Stadion Ergilio Hato. Selekshon boneriano ta konsistí di e siguiente hungadónan: Di Juventus; Giovanie Makaai, Rilove Janga, Suehendly Barzey, Rugenio Josephia, Leonard Coffi i Rolando Jansen. Di Real Rincon; Ifred Piar, Raymiro Coffie, Lacey Pauletta, Igmard Gijsbertha, Jozef Beaumont, André Piar, Angenor Beaumont i Rishison Frans. Di Estrellas; Jerson Agustien. Di Atlétiko Tera Corra; Miguel Valenzuela. Di Arriba Perú; Pedro Rodriguez- Vergara. Di Uruguay; Seinpaal Yurick. Manera ya menshoná direktor tékniko di e selekshon ta Rudsel Sint Jago kende tin komo asistentenan Hubert Cicilia i Alsi Anthony. Daniëlo Quirindoongo ta masahista i alabes trainer mental di e hungadónan. Komo hefe di delegashon a biaha huntu ku e selekshon Luty Balentin presidente di Federashon Futbòl Boneriano (F.F.B.). Mas despues ta biaha tambe pa Kòrsou pa djòin e delegashon boneriano Gamaliel Oleana i Freddy Piar, ámbos miembro di direktiva di F.F.B. i komo árbitro Benaldo ‘Nando’ Bernabela. Despues di vários seshon entrenamentu intensivo último simannan, e hungadónan selekshoná ta bon motivá i animá pa regresá Boneiru ku bon resultado. Deseonan di éksito ta bai pa nos selekshon boneriano na Kòrsou. Bosero F.E.B., John E.L. Djòni’ Leoneta
Posted on: Thu, 14 Nov 2013 10:58:50 +0000
Trending Topics
Recently Viewed Topics
© 2015