LAL ISUA NEN World Cup Final entumin ka fate pahnih an inbuatsaih nasa mai.. Lionel Messi vangin Argentina an tan ve em em a.. Water Color leh Color pencil hmangin an hmai, kut leh ke an chei rang nasa hle... nuam an ti a, hauh ka tum lo mai a ni lo, an chetla vel kha hmuhnawm ka ti. Amaherawhchu, kei an pa ngei pawhin ka lo daisual fo tawh leh min ti mangang fotu- Krista tel lova thil tih hlauhawmzia te hrilh erawh ka bat a ni. Zaninah World Cup Final kan endawn a, Isua hrereng ang che u, tan lam neia in au a nih pawhin Isua hrerengin midang, thenawmte tana ngaihthlak nuam lo leh bengchheng nih lo tur, Engkimah Isua nen zela kan chet loh chuan Kei inpa pawh hi ka mualpho fo tawh tih i hriat hi... Isua nen lo chuan mi pawisawi maite a awl a, mi rilru tihnat maite a awl thin. Chuvangin, keini chhungkua hi chuan thil engpawh ti dawn ila, Isua a tel zel tur a ni.... tiin ka hrilh mawlh mawlh a. Ka thian duh tak, Lal Isua nen chuan thil engkim hi a lo ropui thin a, Isua nen chuan thil engpawh ti ila, kan nun a hlim thin a lo ni. Isua telna apiangah Vanram kan lo chen lawk a lo ni reng mai. Lal Isua nen engkim a ropui, Lungngaih tui fawn karah pawh, Lallukhum chu kan chang ngei ang, Lal Isua kan zui tlat chuan.,...............
Posted on: Sun, 13 Jul 2014 16:55:25 +0000
Trending Topics
Recently Viewed Topics
© 2015