LAMTLUANG ZINGKAR CHANCHINTHAR LAWRKHAWM *Mizoram sorkar in Myanmar atanga buhfai chawk luh a tum mek ah supplier turin Lalrindika, Zarkawt an thlang fel ta. *Bethesda hospital, Aizawl chuan vawiin atanga naktuk thleng awh turin urology camp an buatsaih dawn. *Nimin khan Rajasthan ah Laxman Singh (35) chuan nupui tlan a ko a, a nupui hi a haw duh lo a, mahse a nupui bula awm fanu kum pawh la tlinglo chu a hruai haw lui a, an khua an thlen in a fanu hi lungin a denghlum ta mai a ni. Laxman hi police ten an man tawh a ni. *Nizan a kan rawn tarlan tawh angin mi 2 tutihhriat loh ten Canada war memorial park a duty lai sipai 1 an kap thlu a, chumi hnu chuan parliament building luhchilh in vawi tam tak silai an hmet puak leh a ni. Silai hmetpuak tu pakhat zawk hi police ten an kaphlum tawh a ni. He thil thlen lai hi Parliament chhung a Parliament member ten kartin inhmuhkhawm an neih hunlai a ni a, Prime Minister Stephen Harper pawh a chhung ah a awm lai a ni a, vengtu sipai ten hmun him lamah an hruai chhuak thei a ni. Silai hmet puak tute hi he thu post a nih lai thleng hian tutenge annih hriat theih a la ni lo. *Nimin khan Aigupta (Egypt) khawpui a Cairo University gate bulah bomb a puak a, mi 9 in hliam an tuar a ni. *International Boxing Association ( AIBA) chuan Manipur boxer hmeichhia Sarita Devi chu Asian games neih zawh tak a, a lawmman tur a dawn duh loh avangin hremna an pe. A coach Messrs Gurbakhsh Singh Sandhu pawh hrem tel a ni. *Nimin khan Meghalaya ah ULFA hel pawl a mi 6 te chu an ralthuam nen man anni. *Vawiin hi Hindu sakhaw zuitu ten êng kut an tih Diwali hman ni a ni. *India pawisa Rs.61.17 leh US $1 a intluk mek. *I theihna kawng hrang hrang a midang te tan thil i tihsak emaw tanpuina i pek in i nunah hlimna a siam thin ang che. *Vawiin ah i thian te 5 tal Lamtluang page hi i lo like tir ve dawnnia. Tukchhuah nuam le.
Posted on: Thu, 23 Oct 2014 00:45:59 +0000
Trending Topics
Recently Viewed Topics
© 2015